Uıymnyń Twitter-de shyqqan suhbatynda Svamınatan DDU álemniń keıbir qalasynda ınfeksııa oshaqtaryn taldaıtyn zertteýlerdi qadaǵalap otyrǵanyn atap ótti. Zertteý nátıjeleri keıde qala halqynyń keminde jartysynda koronavırýsqa antıdeneler bar ekenin kórsetsetken, alaıda bul ujymdyq ımmýnıtetke qol jetkizdik degendi bildirmeıdi.
«DDU osy epıdemııaǵa qarsy zertteýlerdi qadaǵalap otyr, sońǵy esepteýler boıynsha, olardyń sany 500-ge jýyq boldy. Al olardy birge qarastyrsaq, álem halqynyń 10 paıyzdan azynda bul vırýsqa qarsy antıdene bar», dedi Svamınatan.
«Árıne keı jerde, mysaly, halyq tyǵyz ornalasqan qalalyq jerlerde halyqtyń 50-60 paıyzy vırýs juqtyryp, keıin antıdeneleri paıda boldy. Alaıda muny búkil qala, provınsııa, shtat nemese el ujymdyq ımmýnıtetke qol jetkizdi dep aıtýǵa bolmaıdy», deıdi sarapshy.
Svamınatan ujymdyq ımmýnıtetke dúnıejúzilik masshtabta qol jetkizýdiń jalǵyz joly - vaksınasııa ekenin málimdedi.
