«О́tken aptada Ishki ister mınıstri Erlan Turǵymbaev Aqtóbe jáne Batys Qazaqstan oblystarynda jumys saparymen boldy. Ol óńirlerdegi polısııa departamentteriniń birqatar nysandaryn aralady. Sondaı-aq, adam kóp jınalatyn jáne qylmys kóp jasalatyn aımaqtarda ornatylǵan jańa modýldik stasıonarlyq polısııa beketterin qarap shyqty», deıdi QR IIM resmı ókili Nurdildá Oraz.
Onyń aıtýynsha, mınıstr polısııa narıadtarynda táýlik boıy qyzmet atqarý jáne azamattardy qabyldaý úshin qajettiniń bári bar ekenine kóz jetkizdi. Sonymen qatar, polısııanyń jańa ýchaskelik beketterinde boldy.
«Erlan Turǵymbaev «Ákimdiktermen birlesip ýchaskelik ınspektorlarǵa tıisti jaǵdaı jasap, ýchaskelik pýnktter jelisin keńeıte otyryp, biz azamattarymyzdyń qaýipsizdik deńgeıin arttyramyz. Mundaı jumysty biz barlyq óńirlerde júrgizetin bolamyz» dep atap ótti», deıdi ol.
