Aımaqtar • 01 Naýryz, 2021

Atyraýdyń dárigerleri «Týǵan elge myń alǵys!» chellendjin uıymdastyrdy

37 ret kórsetildi

Atyraý oblysynyń dárigerleri Alǵys aıtý kúnine arnalǵan chellendj uıymdastyrdy.

Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, «Týǵan elge myń alǵys!» chellendji bir aptadan beri ótip jatyr. Oǵan óńirdegi 35 medısınalyq mekemeniń qyzmetkerleri qoldaý bildirdi. Dárigerler bir-birine vıdeo-estafeta joldap, týǵan elge, qazaqstandyqtarǵa, sondaı-aq, áriptesterine  alǵysyn jaýdyrdy.

«Alǵys aıtyp, rızashylyǵyn bildirý – burynnan bar úrdis. Bul kúni ásirese, pandemııa kezinde janqııarlyqpen óz mindetin abyroımen atqaryp, jaqyndarymyz ben týystarymyzdyń ómirin qutqaryp qalǵan áriptesterime úlken alǵysymdy bildirgim keledi», deıdi oblystyq densaýlyq saqtaý basqarmasynyń basshysy Ashan Baıdýálıev.

El Táýelsizdiginiń 30 jyldyǵy men Alǵys aıtý kúni aıasyndaǵy chellendj búgin,  1 naýryzda aıaqtalady.

 

Uqsas jańalyqtar