Atalmysh sharaǵa Qazaqstan Respýblıkasy Qorǵanys mınıstriliginiń ókilderi, sol sııaqty Nur-Sultan qalalyq «Jastar saıasaty máseleleri» basqarmasynyń jastarmen jumys bólim basshysy Aqulan Tastemir, «Astana jastary» JRO ókili Araılym Saparáli, «Jas Sarbaz» jasóspirimder áskerı-patrıottyq qozǵalysy Nur-Sultan qalalyq fılıalynyń tóraǵasy Ashat Nalshybek qatysty.
«Búgin, ıaǵnı 1 naýryz – Alǵys aıtý kúni qarsańynda, «Jas Sarbaz» áskerı-patrıottyq qozǵalysy Nur-Sultan qalalyq fılıaly, «Astana Jastary» jastar resýrstyq ortalyǵy, Nur-Sultan qalasynyń ákimdigi birlesip, Magnum sýpermarketteriniń qoldaýymen «Astana Tazalyq» JShS jumysshylarynyń arasyndaǵy jalǵyzbasty analardy, kópbalaly otbasylardy, Aýǵan soǵysy ardagerlerine, qalamyzdyń shalǵaı aýdandaryndaǵy jaǵdaıy tómen otbasylarǵa azyq-túlik sebetterin taratyp qaıttyq», - deıdi jasóspirimder áskerı-patrıottyq qozǵalysy Nur-Sultan qalalyq fılıalynyń tóraǵasy Ashat Nalshybek.
О́z kezeginde «Astana Tazalyq» JShS qyzmetkeri G. Sádýaqasova qolǵabys etip júrgen jastarǵa alǵysyn bildirdi.
«Elordalyq Jas Sarbazdar mereke saıyn quttyqtap, qoldaý bildirip júredi. Qaqaǵan qysta qar kúreýge kómektesip, ózderimen birge ystyq baýyrsaqtary men sháıin ákep kóńil-kúıimizdi kóterip turady. Osyndaı jastar barda elimizdiń damýyna úmitimiz mol. Nur-Sultan qalasynyń ákimdigine, Jas Sarbazdarǵa alǵysymyzdy bildiremiz», - «Astana Tazalyq» JShS qyzmetkeri G. Sádýaqasova.
