Qoǵam • 01 Naýryz, 2021

Sybaılas jemqorlyqqa qarsy is-qımyl agenttiginde E-kadrlar júıesi engizilýde

11 ret kórsetildi

Agenttiktiń kadr saıasatyndaǵy basty baǵdar - sybaılas jemqorlyqqa qarsy kúres úshin jańa kózqaras pen batyl ıdeıalardy usynýǵa qabiletti, jigerli talantty adamdardy tartý jáne óz qatarynda ustaý bolyp otyr. Bul týraly Sybaılas jemqorlyqqa qarsy is-qımyl agenttiginiń Apparat basshysy Qýanysh Japaqov málim etti, dep habarlaıdy Egemen.kz.

Qýanysh Japaqovtyń aıtýynsha, atalǵan baǵdardyń basty quraly ýájdemeleý jáne joǵary jalaqy. Ony qamtamasyz etý úshin organnyń uıymdyq-shtattyq qurylymyn jáne ishki bıznes-prosesterin ońtaılandyrý boıynsha úlken jumystar atqarylǵan.

- Onyń nátıjeleri boıynsha artyq basshylyq býyndar 2 esege jýyq qysqartyldy, basqarýshy laýazymdar sany 453-ten 240-qa deıin azaıtyldy (basshylardyń oryndaýshylarǵa araqatynasy 1-den 7-ge deıin jetkizildi), qosalqy qyzmetterdiń qyzmeti ortalyqtandyryldy, óńirlik bólimshelerdiń 90% - y taratyldy. Sonyń saldary retinde alańdardy, kólikti kútip ustaýǵa, uıymdastyrý tehnıkasy men sharýashylyq taýarlaryn satyp alýǵa jáne basqa da shyǵyndarǵa ilespe ákimshilik shyǵystardy ońtaılandyrý júrgizildi, dedi ol.

Ońtaılandyrý qorytyndysy boıynsha qarajatty únemdeý sıfrlandyrýǵa, «ANTIKOR ORTALYGY» servıstik ortalyǵynyń qurylysyna, qyzmetkerlerdiń jalaqysyn arttyrýǵa jáne olardy materıaldyq ýájdemeleý úshin syıaqy qoryn qalyptastyrýǵa baǵyttalǵan, nátıjesinde qyzmetkerlerdiń tabys mólsheri eki esege derlik artty.

- Bul jobany iske asyrý taǵy bir mańyzdy mindetti sheshýge - quqyq qorǵaý qyzmetiniń bedelin arttyrýǵa yqpal etti. Jeke kompanııalar qyzmetkerleriniń eńbekaqysynyń mólsherimen salystyrylatyn jalaqynyń joǵary deńgeıi azamattyq sektordan jáne basqa da memlekettik organdardan joǵary bilikti kadrlardyń kelýin qamtamasyz etti, deıdi ol.

Sondaı-aq Qýanysh Japaqov qazir jeke quram basqa quqyq qorǵaý jáne arnaıy organdardyń joǵary bilikti mamandarymen aıtarlyqtaı kúsheıtilgenin atap ótti.

- 7-eýiniń Prezıdent Ákimshiligi men Premer-Mınıstrdiń Keńsesinde, 15-iniń ulttyq qaýipsizdik organdarynda, 29-ynyń prokýratýrada, 17-siniń azamattyq sektorda jumys tájirıbesi bar. Onyń ishinde árqaısysy Agenttiktiń uıymdyq qurylymynda mańyzdy oryndarǵa ıe.

Agenttiktegi memlekettik qyzmettiń bedeli men tartymdylyǵyn atap ótken jón. Muny bizge jumysqa kirýge nıet bildirýshilerdiń sany dáleldeıdi. Osylaısha, «B» korpýsynyń bos laýazymdaryna ornalasýǵa arnalǵan konkýrstarǵa orta eseppen bir orynǵa 21 úmitker qatysady. Bul basqa ortalyq memlekettik organdarǵa úmitkerlerdiń ortasha kórsetkishinen 3 ese joǵary – bir orynǵa 7 adam.

Jalpy jekelegen laýazymdarǵa konkýrsqa qatysýshylar sany 1 orynǵa 37 adamǵa deıin jetedi, - dedi ol. 

Aıta keteıik, kadr saıasatyn qurý kezinde qyzmetkerlerdiń bilim sapasyna basa nazar aýdarylǵan. Qazirgi ýaqytta Agenttikte sheteldik joǵary oqý oryndarynyń 32 túlegi jumys isteıdi, olardyń 12-i «Bolashaq» baǵdarlamasy boıynsha bilim alǵan. 2 qyzmetker PhD dárejesine ıe, taǵy ekeýi ony alýǵa daıyndalýda, 10 qyzmetker ǵylym kandıdaty, 127-si magıstr.

Sonymen qatar, qazirgi ýaqytta sheteldik joǵary oqý oryndarynda 7 adam, onyń ishinde altaýy «Bolashaq» baǵdarlamasy boıynsha bilim alýda. Al Sot tóreligi akademııasynda – 2, QR Prezıdentiniń janyndaǵy Memlekettik basqarý akademııasynda – 3, Quqyq qorǵaý organdarynyń akademııasynda – 2 adam doktorantýra jáne magıstratýra baǵdarlamalary boıynsha oqýda.

Sybaılas jemqorlyqqa qarsy is-qımyl agenttigi Apparat basshysynyń aıtýynsha, Agenttiktiń 5 qyzmetkeri Prezıdenttik Jastar kadrlyq rezerviniń múshesi. Bul vedomstvonyń az sanyn eskere otyryp, memlekettik organdar arasyndaǵy eń joǵary kórsetkishterdiń biri ekenin de tilge tıek etti. 

- Agenttik qyzmetkerleri joǵary kásibı qasıetterden basqa ártúrli salalarda basqa talanttarǵa ıe. Mysaly, Qaraǵandy oblysynda taekvondodan Halyqaralyq dárejedegi sport sheberi, 1-dan qara belbeý ıegeri, eki dúrkin álem chempıony, Álem kýbogynyń absolıýtti ıegeri Álııa Súleımenova jumys isteıdi. Kóptegen qyzmetkerler shyǵarmashylyqpen aınalysady, olardyń keıbireýleri respýblıkalyq konkýrstardyń laýreattary. Aqmola oblysy boıynsha departamenti basshylarynyń biri Arman Berdalın halyqaralyq jáne respýblıkalyq aıtystardyń jeńimpazy, birneshe óleń kitaptardyń avtory, aqyndardyń halyqaralyq odaǵynyń múshesi, - dedi Qýanysh Japaqov.

 

Sońǵy jańalyqtar

«Ertis ormany» rezervatynda órt shyqty

Aımaqtar • Búgin, 21:30

Tarıhı jeńiske qol jetkizdi

Tennıs • Búgin, 20:12

Nar tulǵa

Rýhanııat • Búgin, 20:10

Ekpe saldyrý ózekti

Medısına • Búgin, 20:07

Sheteldik basylymnan

Álem • Búgin, 20:02

Arýlarymyz alty júlde aldy

Sport • Búgin, 19:55

Qazaqstanǵa agrobank qajet pe?

Qazaqstan • Búgin, 19:51

Aıtyldy-oryndaldy: Jeti JOO jabyldy

Prezıdent • Búgin, 18:31

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

Uqsas jańalyqtar