Memlekettik qyzmetshilerdiń jáne memlekettik ákimshilik qyzmettiń kadr rezervine alynǵan adamdardyń taǵylymdamasyn uıymdastyrý men odan ótý qaǵıdalaryn bekitý týraly
Memlekettik qyzmetshilerdiń jáne memlekettik ákimshilik qyzmettiń kadr rezervine alynǵan adamdardyń taǵylymdamasyn uıymdastyrý men odan ótý qaǵıdalaryn bekitý týraly
«Memlekettik qyzmet týraly» 1999 jylǵy 23 shildedegi Qazaqstan Respýblıkasy Zańynyń 19- babynyń 2-tarmaǵyna sáıkes qaýly etemin:
1. Qosa berilip otyrǵan Memlekettik qyzmetshilerdiń jáne memlekettik ákimshilik qyzmettiń kadr rezervine alynǵan adamdardyń taǵylymdamasyn uıymdastyrý men odan ótý qaǵıdalary bekitilsin.
2. Osy Jarlyq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Prezıdenti N.NAZARBAEV.
Astana, Aqorda, 2013 jylǵy 27 jeltoqsan. № 718
Qazaqstan Respýblıkasy Prezıdentiniń 2013 jylǵy 27 jeltoqsandaǵy № 718 Jarlyǵymen bekitilgen
Memlekettik qyzmetshilerdiń jáne memlekettik ákimshilik qyzmettiń kadr rezervine alynǵan adamdardyń taǵylymdamasyn uıymdastyrý men odan ótý
QAǴIDALARY
1. Jalpy erejeler
1. Memlekettik qyzmetshilerdiń jáne memlekettik ákimshilik qyzmettiń kadr rezervine alynǵan adamdardyń (budan ári – rezervshiler) taǵylymdamasyn uıymdastyrý men odan ótýiniń osy qaǵıdalary «Memlekettik qyzmet týraly» 1999 jylǵy 23 shildedegi Qazaqstan Respýblıkasy Zańynyń 19-babynyń 2-tarmaǵyna sáıkes ázirlengen jáne memlekettik qyzmetshiler men rezervshilerdiń taǵylymdamasyn uıymdastyrý men odan ótýi tártibin aıqyndaıdy.
2. Taǵylymdama memlekettik qyzmetshiler men rezervshilerdiń memlekettik organdardyń joldamasy boıynsha turaqty jumys ornynan tys jerde kásibı bilim men tájirıbe alýy úshin júrgiziledi.
3. Memlekettik qyzmetshiler men rezervshiler Qazaqstan Respýblıkasynyń memlekettik organdarynda, aksıoneri memleket bolyp tabylatyn ulttyq basqarýshy holdıngterde, ulttyq holdıngterde, ulttyq kompanııalarda, ulttyq damý ınstıtýttarynda, olardyń daýys beretin aksııalarynyń (qatysý úlesteriniń) elý paıyzynan astamy ózderine tıesili enshiles uıymdarynda (budan ári – kompanııalar) taǵylymdamadan ótedi.
4. Memlekettik qyzmetshiler men rezervshiler taǵylymdamadan aqysyz negizde ótedi.
Memlekettik qyzmetshilerdiń, sondaı-aq memlekettik qyzmetshiler bolyp tabylatyn rezervshilerdiń taǵylymdamadan ótýiniń barlyq ýaqyty ishinde jumys orny (laýazymy) men jalaqysy saqtalady.
2. Taǵylymdamany uıymdastyrý tártibi
5. Memlekettik qyzmetshiler men rezervshilerdiń taǵylymdamadan ótýiniń maqsaty, mindetteri, merzimi men orny taǵylymdamadan ótý kestesine sáıkes uıymdastyrylady.
6. Taǵylymdamadan ótý kesteleriniń jobalary taǵylymdamadan ótý kózdelgen memlekettik organdarmen jáne kompanııalarmen kelisiledi. Kesteler jobalaryn ázirleý kezinde memlekettik qyzmetshilerden jáne rezervshilerden usynystar suratylady.
7. Memlekettik qyzmetshilerdiń taǵylymdamadan ótý kestesin memlekettik qyzmetshiler jumys isteıtin memlekettik organdar ázirlep, bekitedi.
Rezervshilerdiń, onyń ishinde memlekettik qyzmetshiler bolyp tabylatyn rezervshilerdiń taǵylymdamadan ótý kestesin memlekettik qyzmet isteri jónindegi ýákiletti organ nemese onyń aýmaqtyq bólimsheleri ázirlep, bekitedi.
Taǵylymdamadan ótý kesteleri jarty jylda bir ret bekitiledi.
Memlekettik qyzmetshilerdiń basqa laýazymdarǵa taǵaıyndalǵan, olardyń bosatylýy, ýaqytsha eńbekke qabiletsizdigine, demalysta, issaparda bolýymen baılanysty jumysta bolmaǵan, sondaı-aq rezervshiler kadr rezervinen shyǵarylǵan jaǵdaıda taǵylymdamadan ótý kestesine ózgerister engizýge jol beriledi.
8. Memlekettik organdardyń taǵylymdamadan ótý kestelerin qalyptastyrý jónindegi qyzmetin úılestirýdi, memlekettik organdar men kompanııalardyń taǵylymdamany uıymdastyrý jónindegi qyzmetin taldaýdy memlekettik qyzmet isteri jónindegi ýákiletti organ men onyń aýmaqtyq bólimsheleri júzege asyrady.
3. Taǵylymdamadan ótý tártibi
9. Taǵylymdama úsh aıdan aspaıtyn merzimge belgilenedi.
10. Memlekettik qyzmetshilerdi, sondaı-aq memlekettik qyzmetshiler bolyp tabylatyn rezervshilerdi taǵylymdamaǵa jiberý tıisti memlekettik organnyń aktisimen resimdeledi.
Memlekettik qyzmetshiler bolyp tabylmaıtyn rezervshilerdi taǵylymdamaǵa jiberý memlekettik qyzmet isteri jónindegi ýákiletti organnyń nemese onyń aýmaqtyq bólimshesiniń hatymen resimdeledi.
11. Memlekettik qyzmetshiler men rezervshilerdi taǵylymdamaǵa qabyldaıtyn memlekettik organdar men kompanııalar ózderiniń personaldy basqarý qyzmetiniń (kadr qyzmetiniń) usynystary boıynsha:
1) taǵylymdamany uıymdastyrýǵa jaýapty qurylymdyq bólimsheler tizbesi men adamdardy aıqyndaıdy;
2) memlekettik qyzmetshileri taǵylymdamaǵa jiberiletin memlekettik organdar ázirlegen taǵylymdamanyń jeke josparlaryn, sondaı-aq rezervshiler memlekettik qyzmet isteri jónindegi ýákiletti organmen nemese onyń aýmaqtyq bólimshelerimen birlesip ázirlegen taǵylymdamanyń jeke josparlaryn kelisedi;
3) taǵylymdamadan ótetin memlekettik qyzmetshiler men rezervshilerdiń taǵylymdamanyń jeke josparyn oryndaýy úshin jaǵdaılar jasaıdy;
4) taǵylymdamanyń uıymdastyrylýyna baqylaýdy júzege asyrady.
12. Memlekettik qyzmetshiler men rezervshilerdiń taǵylymdamadan ótýin uıymdastyrýǵa jaýapty adam:
1) taǵylymdamaǵa basshylyqty júzege asyrady;
2) taǵylymdamadan ótetin memlekettik qyzmetshiler men rezervshilerdi taǵylymdamanyń jeke josparymen qolyn qoıdyra otyryp tanystyrady;
3) taǵylymdamadan ótetin memlekettik qyzmetshiler men rezervshilerge taǵylymdamadan ótý kezeńine ruqsattama resimdeý jónindegi jumysty uıymdastyrady;
4) taǵylymdamadan ótetin memlekettik qyzmetshiler men rezervshilerge taǵylymdamanyń jeke josparlaryna engizilgen máseleler boıynsha, onyń ishinde memlekettik organnyń nemese kompanııanyń ózge de qyzmetkerleriniń qatysýymen konsýltasııa beredi;
5) taǵylymdamadan ótetin memlekettik qyzmetshiler men rezervshilerdiń taǵylymdamanyń jeke josparyn oryndaýyna baqylaýdy júzege asyrady.
13. Taǵylymdamadan ótetin memlekettik qyzmetshiler men rezervshiler úshin eńbek kúniniń uzaqtyǵy olardy taǵylymdamaǵa qabyldaıtyn memlekettik organdar men kompanııalardyń eńbek tártibine sáıkes belgilenedi.
4. Taǵylymdamany qorytyndylaý
14. Taǵylymdamadan ótken memlekettik qyzmetshiler men rezervshiler taǵylymdama aıaqtalǵan kúnnen bastap bes jumys kúni ishinde taǵylymdamadan ótken memlekettik organnyń nemese kompanııanyń personaldy basqarý qyzmetine (kadr qyzmetine) taǵylymdama boıynsha tapsyrmalardyń oryndalýy týraly jazbasha esep usynady.
Jazbasha esep:
1) taǵylymdamanyń jeke josparynyń oryndalýy týraly aqparatty;
2) taǵylymdama barysynda alynǵan sheberlik, daǵdy, teorııalyq jáne praktıkalyq bilim týraly aqparatty;
3) memlekettik organnyń nemese kompanııanyń jumysyn jaqsartý jónindegi usynystardy qamtıdy.
15. Taǵylymdamany uıymdastyrýǵa jaýapty adam taǵylymdama aıaqtalǵan kúnnen bastap bes jumys kúni ishinde memlekettik qyzmetshi nemese rezervshi taǵylymdamadan ótken memlekettik organnyń nemese kompanııanyń personaldy basqarý qyzmetine (kadr qyzmetine) ol týraly pikir usynady.
Pikirde mynadaı málimetter kórsetiledi:
1) taǵylymdamadan ótken memlekettik qyzmetshiniń nemese rezervshiniń taǵylymdamanyń jeke josparyn oryndaýyn baǵalaý;
2) taǵylymdamadan ótken memlekettik qyzmetshiniń nemese rezervshiniń kásibı daıarlyǵyn baǵalaý;
3) taǵylymdamadan ótken memlekettik qyzmetshiniń nemese rezervshiniń aldaǵy qyzmeti jónindegi usynymdar.
16. Memlekettik qyzmetshi nemese rezervshi taǵylymdamadan ótken memlekettik organnyń nemese kompanııanyń personaldy basqarý qyzmeti (kadr qyzmeti) taǵylymdama aıaqtalǵan kúnnen bastap jeti jumys kúni ishinde memlekettik qyzmetshini nemese rezervshini taǵylymdamadan ótýge jibergen memlekettik organǵa jazbasha esep pen pikirdiń kóshirmesin joldaıdy.
17. Memlekettik qyzmetshilerdi taǵylymdamaǵa jibergen memlekettik organdar taǵylymdamadan ótýge monıtorıng jáne taldaý júrgizedi. Júrgizilgen monıtorıng pen taldaýdyń nátıjeleri boıynsha memlekettik qyzmetshiler men rezervshilerdiń qyzmetin jaqsartýdy talap etetin baǵyttar, olardy oqytý men memlekettik qyzmetti ótkerýi boıynsha usynystar tujyrymdalady.
5. Qorytyndy erejeler
18. Memlekettik organdar memlekettik qyzmetshilerdiń qyzmet erekshelikterin eskere otyryp, osy Qaǵıdalarǵa sáıkes olardyń taǵylymdamasyn uıymdastyrý men odan ótýi tártibin derbes aıqyndaı alady.
19. Memlekettik qyzmetshiler men rezervshilerdiń taǵylymdamasyn uıymdastyrý men odan ótýi jónindegi ádistemelik usynymdardy memlekettik qyzmet isteri jónindegi ýákiletti organ bekitedi.
