Úkimet • 02 Naýryz, 2021

Asqar Mamın: Ákimder azyq-túlik baǵasyn baqylaýdy kúsheıtý qajet

62 ret kórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda AО́K damytýdyń jáne ınvestısııalyq jobalardy iske asyrýdyń negizgi baǵyttary qaraldy, dep habarlaıdy Egemen.kz.

AО́K damytýdyń jańa tásilderi týraly aýyl sharýashylyǵy mınıstri Saparhan Omarov, negizgi áleýmettik mańyzy bar azyq-túlik ónimderiniń baǵasyn turaqtandyrý týraly saýda jáne ıntegrasııa mınıstri Baqyt Sultanov, óńirlerde aýyl sharýashylyǵyn damytý týraly Soltústik Qazaqstan oblysynyń ákimi Qumar Aqsaqalov, Almaty oblysynyń ákimi Amandyq Batalov, Aqtóbe oblysynyń ákimi Ońdasyn Orazalın, Shyǵys Qazaqstan oblysynyń ákimi Danıal Ahmetov baıandady.

«AО́K damytý, onyń ishinde ishki naryqty otandyq azyq-túlikpen tolyqtyrý – Úkimettiń strategııalyq mindeti. BUU janyndaǵy Azyq-túlik uıymynyń boljamy boıynsha, elimizdiń álemdik azyq-túlik habtarynyń birine aınalýǵa naqty múmkindigi bar», dedi A. Mamın.

Premer-Mınıstr «Nur Otan» partııasynyń saılaýaldy baǵdarlamasynda aýyl sharýashylyǵy ónimderin (et, sút, astyq, maıly daqyldar, jemister, kókónister men qant) óndirý jáne qaıta óńdeý, sýbsıdııalaý júıesin reformalaý, aýylda kooperasııany yntalandyrý, sondaı-aq veterınarııalyq jáne fıtosanıtarııalyq qyzmetter men agrarlyq ǵylymdy odan ári damytý boıynsha 7 iri ekojúıeni qurý jóninde mindetter qoıylǵanyn atap ótti.

Atalǵan sharalardy iske asyrý nátıjesinde 2025 jylǵa qaraı AО́K-te eńbek ónimdiligin 2,5 ese arttyrý jáne ónim eksportyn eki ese ulǵaıtý josparlanyp otyr, onyń 70%-y qaıta óńdelýi tıis. Aýyl sharýashylyǵy ónimderiniń jalpy kólemi 1,3 esege artady. Bul rette 2023 jylǵa qaraı ishki naryqty negizgi áleýmettik mańyzy bar azyq-túlik taýarlary boıynsha otandyq ónimmen 100% tolyqtyrý qamtamasyz etiledi.

«Ákimder azyq-túliktiń negizgi túrlerine baǵany turaqtandyrýǵa baqylaýdy kúsheıtip, óńirlerde turaqtandyrý qorlaryn qalyptastyrý tásilderin qaıta qaraýy, azyq-túlikti forvardtyq satyp alý tetikterin neǵurlym keńinen paıdalanýǵa nazar aýdarýy qajet. Máselen, mundaı jumystar Shyǵys Qazaqstan, Aqmola jáne Qyzylorda oblystarynda jaqsy jolǵa qoıylǵan. Bul óńirlerde baǵalardyń eń tómengi ósýi baıqalady. Bizdiń negizgi maqsatymyz – elimizdiń azyq-túlik qaýipsizdigin qamtamasyz etý. Jalpy agroónerkásiptik keshenniń damý áleýeti óte joǵary», dedi A. Mamın.

Alǵa qoıylǵan aýqymdy mindetterdi iske asyrý úshin kezeń-kezeńimen jalpy somasy 4 trln teńgeden asatyn 400-ge jýyq ınvestısııalyq jobany (jyl saıyn 70-80 joba) iske asyrý josparlanyp otyr, bul AО́K salalaryndaǵy eńbek ónimdiligin arttyrýǵa jáne aýylda 500 myńǵa deıin jańa jumys ornyn ashýǵa múmkindik beredi.

Aýyl sharýashylyǵy mınıstrligine Bilim jáne ǵylym mınıstrligimen birlesip agrarlyq ǵylym men bilimdi damytý baǵdarlamasyn ázirleý, agrarlyq JOO túlekterin jumysqa ornalastyrý, sondaı-aq AО́K sýbektilerin bilim berý júıesimen qamtý boıynsha usynystar engizý tapsyryldy.

Sońǵy jańalyqtar

Bar úmitimiz Almat Kebisbaevta

Sport • Búgin, 16:45

Bir shańyraqtan – úsh maıdanger

Rýhanııat • Búgin, 14:00

Jetpis jeti jyldan keıin kelgen marapat

Aımaqtar • Búgin, 11:47

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Uqsas jańalyqtar