Ekonomıka • 02 Naýryz, 2021

AО́K memlekettik qoldaý turaqty ári ońtaıly bolady - Saparhan Omarov

10 ret kórsetildi

Aýyl sharýashylyǵy mınıstri Saparhan Omarov Úkimet otyrysynda aýyl sharýashylyǵyn damytýdyń basym baǵyttary men AО́K-degi jańa ınvestısııalyq jobalardy iske asyrý týraly aıtty, dep habarlaıdy Egemen.kz.

Aýyl sharýashylyǵy mınıstri 2020 jyldyń qorytyndysy boıynsha Qazaqstannyń AО́K-degi barlyq makrokórsetkishterde ósimniń oń serpini baıqalatynyn atap ótti.

Aýyl sharýashylyǵyndaǵy jalpy ónim kólemi 5,6%-ǵa artyp, 6,3 trln teńgeni qurady. Bul Eýrazııalyq ekonomıkalyq odaq elderi arasyndaǵy eń joǵary ósim kórsetkishi.

Aıta ketý kerek, azyq-túlik óndirisi 4%-ǵa ósti.

Mınıstrdiń aıtýynsha, salany odan ári damytý úshin basym mindetter aıqyndaldy:

- ishki naryqty azyq-túlik taýarlarymen tolyqtyrýdy 80%-dan asyrý;

- 1 mln aýyl turǵynynyń tabysyn turaqty túrde arttyrý;

- eńbek ónimdiligin 2,5 esege arttyrý;

- qaıta óńdelgen ónim eksportyn 2 esege ulǵaıtý.

 

Ishki naryqty qazaqstandyq óndiristiń azyq-túlik taýarlarymen tolyqtyrý jónindegi mindetti sheshý úshin Mınıstrlik ımportty qysqartý pozısııalaryn aıqyndady. Bul – qus eti, shujyq, irimshik pen súzbe, alma, qant jáne balyq.

Búgingi tańda aldaǵy úsh jylǵa arnalǵan baǵyttardyń árqaısysy boıynsha ınvestısııalyq jobalardyń naqty pýly aıqyndaldy.

Atap aıtqanda, jalpy qýattylyǵy 191 myń tonna bolatyn 11 qus fabrıkasyn paıdalanýǵa berý josparlanýda. Bul ishki qajettilikti artyǵymen qamtamasyz etýge múmkindik beredi. 2020 jyly 94 myń tonna et óndire alatyn 8 qus fabrıkasy iske qosyldy. Otandyq shujyq jáne balyq ónimderimen tolyq qamtamasyz etý 14 jańa óndiristi iske qosý  arqyly júzege asyrylady.

Sondaı-aq otandyq qant pen sút zaýyttary iske qosylyp, qýaty artady jáne keńeıtiletin bolady.

2020 jyly 48 taýarly sút fermasy, onyń ishinde jalpy qýattylyǵy jylyna 100 myń tonnaǵa jetetin 17 ónerkásiptik ferma jumysyn bastady. Aldaǵy ýaqytta jyl saıyn 35 ónerkásiptik taýarly sút fermasyn iske qosý josparlanyp otyr.

Naryqty otandyq almalarmen tolyqtyrý úshin Almaty, Jambyl jáne Túrkistan oblystarynda, sondaı-aq Shymkent qalasynda 6,6 myń ga alańda jańadan qarqyndy baqtar salynady.

«Koronavırýs pandemııasy jaǵdaıynda búkil álem elderinde aýyl sharýashylyǵynyń azyq-túlik qaýipsizdigin qamtamasyz etýdegi róliniń artqanyn baıqap otyrmyz. Sondyqtan, Qazaqstan úshin ımportty almastyrý basymdyqqa ıe úlken másele. Aýyl sharýashylyǵy mınıstrligi josparlaǵan jumys 2024 jylǵa qaraı ımportqa táýeldilik máselelerin sheshýge jáne eldiń azyq-túlik táýelsizdigin qamtamasyz etýge múmkindik beredi. Osyǵan baılanysty ınflıasııaǵa áser etetin azyq-túlik taýarlaryna basa nazar aýdarylatyn bolady», - dedi Saparhan Omarov.

 

Jalpy, aldaǵy jyldary Aýyl sharýashylyǵy mınıstrligi 380 ınvestısııalyq jobany, onyń ishinde ımportty almastyrý aıasynda 250-ge jýyq (65%) jobany iske asyrýdy josparlap otyr. Sondaı-aq, bul tizimge AО́K eksporttyq áleýetin arttyratyn jobalar engizilgen: bordaqylaý alańdary, reprodýktorlar, jylyjaılar jáne t.b.

Jyl saıyn kem degende 75-80 ınvestısııalyq joba iske qosylady. Iаǵnı, Aýyl sharýashylyǵy mınıstrligi jobalarynyń pýly áli de keńeıetin bolady. Memleket basshysynyń tapsyrmasyna sáıkes, dándi jáne maıly daqyldardy, jemister men kókónisterdi, qantty, et pen sútti óndirý jáne qaıta óńdeý 7 iri ekojúıeni qurý jobasyna kiredi.

Aýyl sharýashylyǵy bıznesin odan ári damytý jáne AО́K-de eńbek ónimdiligin arttyrý úshin vedomstvo memlekettik qoldaýdyń tıimdiligin qamtamasyz etý jumystaryn jalǵastyrýda. О́tken jyly sýbsıdııalaý tetikteri qaıta qaraldy. Buryn salalardyń ereksheligi men basymdyǵy esepke alynbaı biryńǵaı tásil qoldanylǵan edi. Sondaı-aq shaǵyn jáne orta fermerler úshin sýbsıdııalaýǵa qol jetkizý shegi ózgertildi.

Memlekettik qoldaýdyń tıimdiligin arttyrý úshin bıyldan bastap bıznes úshin tıimdi mindettemeler kezeń-kezeńimen engiziledi.

Sonymen qatar, bazalyq qoldaý quraldaryn sýbsıdııalaý kólemin ulǵaıtý esebinen 2025 jylǵa qaraı aýyl sharýashylyǵy tehnıkasyn jańartý deńgeıin 6%-ǵa deıin, ǵylymı negizdelgen normanyń 30%-na deıin mıneraldy tyńaıtqyshtardy qoldaný, al joǵary sapaly tuqymdardy engizý deńgeıin 97%-ǵa deıin jetkizý josparlanýda.

AО́K-de qarjylandyrýdyń qoljetimdiligin arttyrý maqsatynda Aýyl sharýashylyǵy mınıstrligi fermerlerge, onyń ishinde Ekinshi deńgeıli bankter men  Qazaqstan damý banki arqyly nesıe berý múmkindikterin keńeıtýdi josparlap otyr. Sondaı-aq aýyl sharýashylyǵy salasyndaǵy jobalardy iske asyrý úshin jastarǵa forvardtyq satyp alýdy keńeıtýdi jáne granttar bólýdi de qarastyrýda.

Budan bólek, Aýyl sharýashylyǵy mınıstrligi fermerlerge yńǵaıly bolý úshin AО́K qoldaýdyń barlyq sharalarynyń biryńǵaı elektrondyq resýrsyn qurady.

«Memlekettik qoldaýdyń basty qaǵıdaty onyń turaqtylyǵy men sabaqtastyǵy bolady. Bul sharýalarǵa uzaq merzimdi perspektıvada óz qyzmetin boljaýǵa múmkindik beredi», - dedi S.Omarov.

Mınıstr Memleket basshysynyń AО́K damytý jónindegi ulttyq jobany qurýǵa qatysty tapsyrmasynyń oryndalýyna jeke toqtaldy.

Onyń aıtýynsha, qazirgi ýaqytta qujattyń tujyrymdamasy agrobıznespen jáne ǵylymı qoǵamdastyq ókilderimen talqylanýdy. Atalǵan AО́K damytý men qoldaýdyń barlyq sharalary ulttyq jobaǵa engiziletin bolady.

«Júrgizilgen sharalardyń nátıjesinde 5 jylda eńbek ónimdiligin 2,5 esege arttyrý, ónim eksportyn jáne aýyl sharýashylyǵy qyzmetkerleriniń tabysyn 2 esege ulǵaıtý, sondaı-aq salaǵa 4,1 trln teńge ınvestısııa tartý josparlanyp otyr. Bul qosymsha 500 myń adamdy jumyspen qamtamasyz etedi», - dep qorytyndylady mınıstr.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar