Aımaqtar • 02 Naýryz, 2021

Atyraýlyq áskerıler ardagerler turatyn úıdiń aýlasyn tazartyp berdi

73 ret kórsetildi

Atyraý qalalyq qorǵanys isteri jónindegi birikken basqarmanyń áskerı qyzmetshileri Ekinshi dúnıejúzilik soǵystyń ardagerleri turatyn úılerdiń aýlasyn qardan tazartyp berdi, dep habarlaıdy Egemen.kz.

«Biz búgingi beıbit ómir úshin maıdan dalasynan oralǵan ardagerlerdi eshqashan nazardan tys qaldyrmaımyz. Ardagerlerge tek mereke kúnderi ǵana emes, árdaıym kómek kórsetýge tyrysamyz. Kóktem maýsymy bastalysymen olar turatyn úıdiń aýlasyn retke keltirý týraly sheshim qabyldadyq» deıdi qorǵanys isteri jónindegi birikken basqarmanyń bastyǵy, podpolkovnık Batyrhan Qazaqov.

Ekinshi dúnıejúzilik soǵysqa qatysqan ardagerlerdiń qatarynda áskerı ushqysh, zapastaǵy kapıtan Aıdyn Aıbarov ta bar. Bıyl 100 jasqa tolatyn ardager áskerı qyzmetkerlermen kezdeskenine qýanyp qaldy. Soǵys jyldarynan estelik aıtyp, áskerı qyzmetshilerdi týǵan kúnine shaqyrdy. Ǵasyr jasaǵan maıdangerdiń kóńili sergek, qımyly shıraq. Boıyn tik ustaıdy.  

Al, ardager serjant Zakarııa Sultanov soǵysqa óz ótinishimen attanypty. Aldymen Orynbor men Bashqurtstanda áskerı daıyndyqtan ótken. Sodan keıin shańǵy batalonynyń quramynda Ýfada qurylǵan motoatqyshtar brıgadasynyń qataryna qosylǵan. Belarýssııa men Shyǵys Prýssııadaǵy dúrbeleń shaıqastarda aıaǵynan eki ret jaraqattanǵan. Alaıda ójet minezdi jigit sonda da maıdan dalasyn, qarýlastaryn tastamaǵan.

«Eki ret jaraqattanǵannan keıin meni Kalınıngrad oblysyndaǵy garnızondyq qyzmetke taǵaıyndady. Sol qalada Jeńisti qarsy aldym. Keıin týǵan jerge oraldym. Qazir meniń jadymda maıdan dalasynan estelikter men jaraqattarym qaldy» deıdi soǵys ardageri Zakarııa Sultanov.

 

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar