Sport • 02 Naýryz, 2021

Aýla hokkeı lıgasynyń V maýsymy aıaqtaldy

6 ret kórsetildi

Nur-Sultan qalasynyń №32 mektep-gımnazııasynyń hokkeı kortynda «Zamandas 21» QQ aýla klýbtarynyń tárbıelenýshileri – 7 jastan 13 jasqa deıingi balalar arasynda aýla hokkeı lıgasynyń V maýsymynyń fınaldyq oıyny ótti, dep habarlaıdy Egemen.kz.

Sheshýshi oıynda Qoshqarbaev kóshesindegi klýbtyń fılıalynan «Altaır», Sh.Qudaıberdiuly kóshesindegi fılıaldyń «Búrkit», sondaı-aq Abaı kóshesindegi klýbqa baratyn «Taıfýn»  komandalary kezdesti.

Birinshi oryndy «Taıfýn» komandasy ıelendi. Komandalar kýbokpen jáne medaldarmen marapattaldy. «Taıfýn» komandasynyń qatysýshylary barlyq jattyqtyrýshylarǵa shydamdylyqtary úshin, jańadan kelgen hokkeıshiden bastap aýla hokkeı lıgasynyń jeńimpazyna deıin jetýlerinde qoldaý kórsetkenderi alǵys aıtty. Sondaı-aq, QR-daǵy AQSh elshiliginiń ókili árbir qatysýshyǵa syılyqtar tabys etti.

Aýla hokkeı lıgasy 5 jyldan beri jumys istep keledi, osy ýaqyt aralyǵynda ózin jas sportshylar úshin bedeldi jarystardyń biri retinde kórsete bildi. Sharanyń maqsaty - Nur-Sultan qalasynyń turǵyn úı alaptarynda, sondaı-aq mekteptiń sport alańdarynda ornalasqan sport korttary bazasynda balalar men jasóspirimder arasynda aýla hokkeıin jańǵyrtý jáne damytý.

«Zamandas» otbasylyq aýla klýbynyń tárbıelenýshileri arasynda aýla hokkeı lıgasynyń hokkeı komandalarynyń týrnırleri bes jyl boıy ótkizilip keledi. Is-sharalar bas seriktes – «Samruk-Kazyna Trust» Áleýmettik jobalardy damytý qorynyń, Nur-Sultan qalasy ákimdiginiń, Qazaqstan hokkeı federasııasynyń, sondaı-aq Qazaqstandaǵy AQSh pen Kanada Elshilikteriniń qoldaýymen ótedi.

«Hokkeı lıgasyn ótkizgen alǵashqy jyly «Zamandas» otbasylyq aýla klýbynyń balalary men jasóspirimderi men Nur-Sultan qalasy mektepteriniń oqýshylary arasynda joǵary qyzyǵýshylyqqa ıe boldy. Qoǵamdaǵy rezonans bul jobany damytý qajet ekenin kórsetedi. Sondyqtan biz klýbtardaǵy hokkeı seksııalaryn qoldaımyz, onda balalar osy qyzyqty jáne kúrdeli oıynnyń negizderin tegin negizde úırenýde, ol tózimdilik pen temir tártipti talap etedi», - deıdi «Zamandas 21» QQ dırektory              Lázzat Alshynova.

Búgingi tańda klýbta 5 komanda bar, olardyń quramynda 15-20 bala oınaıdy, olar «Zamandas» otbasylyq aýla klýbynyń tórt fılıalynda jattyǵady. Eń belsendi balalar aýla klýbtary janyndaǵy hokkeı seksııalaryndaǵy sabaqtardan keıin elordanyń kásibı klýbtaryna ótýge múmkindik ala alady.

Buqaralyq sportty damytý QR Prezıdenti Qasym-Jomart Toqaevtyń Joldaýynda sport salasynyń aldyna qoıylǵan basym mindetterdiń biri bolyp tabylatynyn atap ótken jón.

Aıta keteıik, «Zamandas 21» QQ «Zamandas» otbasylyq aýla klýbtaryn 2014 jyly «Balalardyń múddesi úshin qozǵalys» jobasy aıasynda qurǵan bolatyn.

Búginde bul Nur-Sultannyń ártúrli núktelerinde ornalasqan 5 klýb, olarǵa halyqtyń áleýmettik osal toptarynan 2 300-den astam bala barady. Olar qosymsha bilim alady, tilderdi úırenedi, sport seksııalary men shyǵarmashylyq úıirmelerge qatysady.

Klýbtardyń jumysyn «Samuryq-Qazyna» AQ kompanııalar tobynyń atynan «Samruk-Kazyna Trust» Áleýmettik jobalardy damytý qory qoldaıdy. Klýbtarda 20-dan astam seksııalar men úıirmeler bar, sonyń ishinde fýtbol/hokkeı, art-terapııa, vokal, akterlik sheberlik jáne basqalar.

Sońǵy jańalyqtar

Ulttyq úrdister úzilmeıdi

Qazaqstan • Búgin, 21:52

Uly dalany jańǵyrtqan ulaǵat

Aımaqtar • Búgin, 21:27

О́zgelerdi tamsantsaq ónermenen

О́ner • Búgin, 21:23

Mereıimizdi ósirgen megajoba

Rýhanııat • Búgin, 21:14

Alakólge ǵaryshker kelgende...

Qazaqstan • Búgin, 21:01

Elorda ákimi azamattardy qabyldady

Elorda • Búgin, 17:38

«Kıik jappaı qyrylyp jatyr»..

Aımaqtar • Búgin, 14:15

Pnevmonııadan 5 adam qaıtys boldy

Koronavırýs • Búgin, 10:00

Elimizde 1222 naýqas koronavırýstan aıyqty

Koronavırýs • Búgin, 09:37

Uqsas jańalyqtar