Ekpeni alǵashqylardyń biri bolyp №27 mektep-lıseıiniń qazaq tili men ádebıeti pániniń muǵalimi Zıbagúl Qarataeva qabyldady. Osyǵan deıin ol dárigerdiń tıisti tekserisinen ótken bolatyn.
«Men vaksınasııany óz erkimmen alǵym keldi. Bul eń aldymen ózińdi jáne týystaryńdy qorǵaý úshin qajet dep bilemin. Otbasymda koronavıýrs ınfeksııasymen aýyrǵan eshkim joq jáne juqtyrmas úshin osyndaı tańdaý jasap otyrmyn. Bul óz densaýlyǵyma degen jaýapkershilik», - deıdi muǵalim.
Sonymen qatar, Zıbagúl Qarataeva vaksına qabyldaýda eshqandaı qorqynysh joq ekenin aıtyp ótti.
«Dárigerlerdiń vaksına qabyldaǵany jaıly qanshama aqparat tarady, bárin oqyp otyrdyq, jaǵdaıdy nazarda ustadyq. Jaǵymsyz jaǵdaılar bolǵan joq. Sol sebepti senimdi boldym», - dep túsindirdi muǵalim.
Vaksınanyń birinshi komponentin №27 orta mektep-lıseıiniń dırektory Qanat Baısalbaev ta qabyldady. Ol ózin jaqsy sezinetinin, keri áserleri bolmaǵanyn jetkizdi.
«Eger biz ınfeksııanyń taralýyn qalamasaq, ekpe qabyldaýymyz qajet. Onyń ústine oqýshylar birtindep synyptaryna oralyp jatyr. Al olardyń ata-analarymen biz kún saıyn kezdesip turamyz. Birin biri qaterge tigýge bolmaıdy. Men mektep dırektory retinde ekpe alyp, áriptesterime úlgi kórsetýge bel býdym», - dep atap ótti Qanat Baısalbaev.
Raıymbek batyr atyndaǵy №50 mektep-lıseıiniń tarıh pániniń muǵalimi Saılaýbaı Shaıkenov memleket usynǵan tegin vaksınasııadan ótýdi azamattyq paryzy sanaıdy.
«Memleket bizge qamqorlyq jasap, vaksınasııalaýdy usynyp otyr. О́tken jyl búkil adamzat úshin qıyn kezeń boldy. Vırýstyń saldarynan qanshama adam qaıtys boldy. Vaksınanyń tıimdiligine senbesem, bul jerde otyrmas edim. О́zimdi, otbasymdy jáne oqýshylarymdy qaterden qorǵaǵym keledi», - deıdi tarıhshy.
