Kezdesý barysynda Nursultan Nazarbaev Sadyr Japarovty Qyrǵyzstan Prezıdenti bolyp saılanýymen quttyqtady.
– Qazaqstanǵa qosh keldińiz. Qyrǵyzstan halqy ótken saılaýda О́zińizge úlken senim bildirdi. Halqyńyzdyń jarqyn bolashaǵy jolyndaǵy jumysyńyzǵa tabys tileımin, – dedi Qazaqstannyń Tuńǵysh Prezıdenti.
Elbasy táýelsizdik jyldary baýyrlas eki el arasynda qol jetkizilgen yntymaqtastyq pen seriktestiktiń joǵary deńgeıin atap ótti.
Sondaı-aq Nursultan Nazarbaev Qazaqstan men Qyrǵyzstan prezıdentteri arasyndaǵy kelissózderdiń nátıjeli bolǵanyna toqtalyp, bıznes baılanystardy kúsheıtýdiń jáne ekonomıkalyq qatynastardy nyǵaıtýdyń mańyzdylyǵyn aıtty.
О́z kezeginde Sadyr Japarov Qazaqstannyń Tuńǵysh Prezıdentine eki el arasynda baılanys ornatý jáne nyǵaıtý jolyndaǵy jasampaz eńbegi úshin alǵysyn bildirdi.
– Sizdi Ortalyq Azııanyń kóshbasshysy ǵana emes, sondaı-aq álemdik deńgeıdegi bedeldi saıasatker retinde de qurmetteımin! Siz bizdiń halyqtarymyzdyń dostyǵy men yntymaqtastyǵyn arttyrýǵa zor úles qostyńyz, – dedi Qyrǵyz Respýblıkasynyń Prezıdenti.
