Fýtbol • 02 Naýryz, 2021

Fýtzal: Qazaqstan quramasy kósh basyna shyqty

16 ret kórsetildi

Fýtzaldan Qazaqstan quramasy 2022 jylǵy Eýropa chempıonaty toptyq irikteý kezeńinde búgin elordada Belarýs komandasymen kezdesti.

Esterińizge sala ketelik, qazaqstandyq fýtzalshylar besinshi topqa tústi. Qarsylastary - Vengrııa, Belarýs jáne Izraıl quramalary. Búgingi oıynda qazaqstandyq fýtzalshylar jınaqy qımyl kórsetýge tyrysty. Kezdesý basynan tizgindi óz qolyna alýǵa kúsh saldy.

Shyńǵys Esenamanov 2-mınýtta mergendik tanytyp, alań ıelerin alǵa shyǵardy. Al 8-mınýtta Birjan Orazov, 14-mınýtta Leo esepti ústemeleı tústi. Ekinshi kezeńde qos komanda alań ıeleri basymdyǵyn arttyrdy. Shyńǵys Esenamanov 21-mınýtta taǵy bir márte qaqpany dál kózdese, oǵan 28-mınýtta belarýstik Sergeı Krykýn bir golmen jaýap qaıyrdy.

Al 28-mınýtta Dáýren Tursaǵulov qazaqstandyq quramanyń basymdyǵyn arttyrdy. Belarýs oıynshysy Iýrıı Rabyko 29-mınýtta esep aıyrmasyn qysqartty. Kezdesýde qazaqstandyq fýtzalshylar qarsylasyn 5:2 esebimen tize búktirdi. Osylaısha irikteý kezeńindegi ekinshi jeńisine qol jetkizdi.

Bul jeńisten keıin Qazaqstan quramasy óz tobynda alty upaımen jeke-dara kósh bastady. Odan keıingi oryndardaǵy Vengrııa men Belarýstiń enshisinde úsh-úshten upaıy bar. Sońǵy oryndaǵy Izraıl quramasy ázirge upaı enshilegen joq. Qazaqstan quramasy endi 8 naýryzda búgingi qarsylasy - Belarýspen syrt alańda taǵy bir oıyn ótkizedi.

Qazaqstandyq qurama alǵashqy oıynda óz alańynda Vengrııadan 5:0 esebimen basym tústi. Ekinshi kezdesýdi 28 qańtarda Izraılde ótkizý josparlanǵan. Aıta ketelik, qazaqstandyq fýtzalshylar budan buryn Eýropa chempıonaty fınaldyq kezeńinde eki márte baq synady. 2016, 2018 jyldarda qola júlde aldy.

Eýropa chempıonatynyń fınaldyq satysy 2022 jyldyń 19 qańtar jáne 6 aqpan aralyǵynda Nıderlandynyń Amsterdam jáne Gronıngen qalalarynda ótkiziledi.



Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar