Koronavırýs • 03 Naýryz, 2021

Qaýipti ınfeksııamen eki aı boıy aýrýhanada jatqan júkti áıel jazylyp shyqty

154 ret kórsetildi

Júkti kezinde COVID-19 ınfeksııasyna shaldyǵyp, ókpesiniń 90 paıyzy zaqymdalyp aýrýhanaǵa túsken áıel qaýipti ınfeksııany jeńip shyqty. Naýqasty emdeý úshin dárigerler jıyrma kún boıy EKMO apparatyn qosyp, odan keıin eki aı boıy aýrýhanada emdedi, dep habarlaıdy Egemen.kz.

30 jastaǵy júkti áıel qalalyq juqpaly aýrýlar ortalyǵyna 2020 jyldyń 29 jeltoqsanynda jetkizilgen. Aýrýhanaǵa túsken kezdegi jaǵdaıy tym aýyr edi deıdi dárigerler. Oǵan qosa naýqas júktiliktiń 32-aptasynda bolǵan. 1 qańtar kúni tynys alý jetispeýshiliginiń I-dárejesi, ıntoksıkasııalyq sındromnyń bolýyna baılanysty jansaqtaý bólimine jatqyzylady. Al 5 qańtar kúni tynys alý jetispeýshiligi II,III-dárejege deıin tómendep, jasandy tynys alý apparatyna qosylǵan.

«Ishtegi sharanaǵa qaýip tónýine baılanysty dárigerler 6 qańtar kúni jedel túrde «kesir tiligi» arqyly bosandyryp alǵan. О́mirge qyz balasy keldi. Shaqalaqtan PSR saraptamasy alynyp, teris nátıje kórsetken soń qalalyq perınataldyq ortalyqqa aýystyryldy», - deıdi juqpaly aýrýlar ortalyǵynyń dárigeri Aıjan Baısengırova.

Araǵa birneshe kún salyp naýqastyń densaýlyǵy nasharlap, ókpe zaqymdanýy 90 paıyzǵa jetýine baılanysty respýblıkalyq dárejede dárigerler konsılıými ótkizildi. Nátıjesinde naýqasqa EKMO apparaty qosyldy. Dárigerlerdiń aıtýynsha, EKMO apparaty aýyr haldegi naýqastardy emdeýde nátıje bolmaǵan jaǵdaıda qoldanylady.

Osylaısha jańa bosanǵan áıelge 20 kún boıy EKMO apparaty arqyly em júrgizildi.

Júrek ortalyǵy dárigerleriniń aıtýynsha, EKMO apparaty – ókpe qabynyp, jumysy qatty nasharlaǵan kezde qandy ottegimen qamtamasyz etedi. Iаǵnı adamnyń kúre tamyrlary arnaıy tútiksheler arqyly apparatqa qosylyp, EKMO-ǵa quıylǵan qanǵa qajet deńgeıde ottegi beriledi. Osy apparatpen júrgizilgen emniń arqasynda jańa bosanǵan áıeldiń jaǵdaıy jaqsarǵan. Bul qurylǵy naýqasqa der kezinde kómek kórsetýge múmkindik bergen.

Aıta keteıik, naýqastyń ómirin aman alyp qalý úshin dárigerler eki aı boıy úzdiksiz em júrgizdi. Osylaısha densaýlyǵy qalypqa kelgen kelinshek 1 naýryz kúni aýrýhanadan shyqty.

Qala turǵyny ómirin arashalap qalǵan Shymkent qalasynyń bas reanımatologi Batyr Shamamýtov, qalalyq juqpaly aýrýlar ortalyǵynyń akýsherlik bólimine jaýapty dáriger, anestezıolog-reanımatolog Aıjan Beısengırova, qalalyq júrek ortalyǵynyń kardıohırýrgııalyq anestezıologııa-reanımasııa jáne qarqyndy terapııa bóliminiń meńgerýshisi Bekjan Permenov syndy barsha aq halattylarǵa óz alǵysyn bildirdi.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar