Dúnıejúzilik tumsa tabıǵat kúnine oraı QR ekologııa, geologııa jáne tabıǵı resýrstar mınıstri Maǵzum Myrzaǵalıev óziniń Twitter-degi paraqshasynda post pen Qyzyl kitapqa engen sileýsinniń kameraǵa túsip qalǵan vıdeosyn jarııalady.
«Búgin Dúnıejúzilik tumsa tabıǵat kúni. Bul kún búkil álemge tabıǵatty qorǵaýdyń mańyzdylyǵyn eske salýǵa arnalǵan. Elimiz flora men faýnaǵa baı. Qazaqstanda ósimdikterdiń 6000-nan astam túri jáne omyrtqaly janýarlardyń 835 túri bar. Jerimizdiń 13 mln. gektaryn orman alyp jatyr. Tabıǵatty qorǵaý bizdiń basty mindetimiz. Jyl saıyn biz ,,Aqbóken" tabıǵatty qorǵaý aksııasyna qatysamyz, bizdiń ınspektorlar kún saıyn aýa-raıynyń qolaısyzdyǵyna qaramastan brakonerlermen kúresip, qorshaǵan ortany qorǵaýǵa baǵa jetpes úles qosýda. Belsendi azamattardyń qorshaǵan ortany qorǵaý jónindegi ortaq mindetterdi iske asyrýǵa atsalysýy bizge serpin beredi», dep jazdy ol.
«Jaqynda Sharyn ulttyq parkinde Qyzyl kitapqa engen Túrkistan sileýsini kamera túsip qalǵan bolatyn, sol vıdeomen bólispekpin. Bul sýretter tumsa tabıǵatymyzdyń sulýlyǵyn kórsetedi. Osy biregeılikti saqtaý mańyzdy», dep tolyqtyrdy ol.
