Qoǵam • 03 Naýryz, 2021

Elimizde jasóspirim psıhıkasyna keri áser etetin 731 materıal tirkelgen

15 ret kórsetildi

2021 jyldyń basynan jasóspirimder psıhıkasyna keri áser etetin 731 materıal boıynsha is-sharalar qabyldandy. Bul týraly Májilis depýtattarynyń saýalyna QR Premer-Mınıstri Asqar Mamınniń jaýabynda aıtylǵan, dep habarlaıdy Egemen.kz

«Aqparat salasyndaǵy ýákiletti organ turaqty negizde sýısıdtik minez-qulyqty tikeleı nemese janama nasıhattaıtyn zańsyz kontentterdi anyqtaý jáne buǵattaý boıynsha buqaralyq aqparattyq quraldaryna, áleýmettik jelilerge, ınternet resýrstarǵa monıtorıng júrgizedi. 2020 jyly monıtorıng nátıjesinde anyqtalǵan jasóspirimder psıhıkasyna keri áser etetin 30 myńǵa jýyq materıal ınternet resýrstardan alyp tastaldy. 3 772 astam materıalǵa tosqaýyl qoıyldy. 2021 jyldyń basynan bastap sýısıdti, pornografııany nasıhattaıtyn, qatygezdikke tabynýdy qalyptastyratyn 731 materıal boıynsha is-sharalar qabyldandy», dedi Úkimet basshysy.

Premer-Mınıstrdiń pikirinshe, barlyq mektep oqýshylarynyń boıyna ulttyq tárbıeni sińirýge, otbasylyq qundylyqtardy damytýǵa baǵyttalǵan «Qundylyqtarǵa negizdelgen bilim berý» jobasy iske asyrylyp jatyr. Bul joba ózin-ózi tanýdy, ózin-ózi damytýdy, áleýmettik jaýapkershilikti jáne oqýshylardyń áleýmettenýin qalyptastyrýǵa yqpal etedi.

«Tárbıe jumysyn kúsheıtý, oqý-tárbıe prosesinde otbasylyq jáne ulttyq qundylyqtardy dáripteý jónindegi is-sharalar kesheni iske asyrylýda. Pedagogterdiń oqýshylarǵa tárbıe berý boıynsha quzyrettiligi keńeıtildi. Osyǵan baılanysty olardyń biliktiligin arttyrý baǵdarlamalarynyń mazmuny jańartyldy. Bilim berý júıesiniń ádistemelik mazmuny qaıta qaraldy», dedi Asqar Mamın.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar