Jol kartasy ulttyq týrıstik ónimdi daıyndaýdy, jekelegen týrızm túrlerin (balalar-jasóspirimder týrızmi, medısına jáne saýyqtyrý týrızmi) jáne qolónerdi damytý, eldiń týrıstik áleýetin ilgeriletý boıynsha eleýli is-sharalardy qamtıdy. Joba sheńberinde qarastyrylǵan is-sharalardy júzege asyrý elimizdegi týrıstik ónimniń daıyndalý mehanızmderin jan-jaqty taldaý jáne ózektendirýge, qolóner sheberleriniń jumysyn retke keltirý jáne túıtkildi máselelerdi sheshýge, týrızm túrlerin damytýdyń tujyrymdamalyq sheshimderin anyqtaýǵa múmkindik beredi.
«Qujat eń aldymen týrızm salasyn ilgeriletýge kómektesedi. Bıyl osy joba aıasynda qazaqstandyqtar men Qazaqstanǵa kelgen qonaqtardyń elimizge kelýine múmkindik jasaý úshin jańa nysandar ashylyp, jumys oryndary qurylady. О́tken jyl barlyq salaǵa ońaı tımegeni belgili. Sondyqtan bıyl byltyr júzege asyra almaı qalǵan jumystarymyzdyń ornyn toltyrýymyz kerek, al Úkimet óz tarapynan bul salaǵa úlken kóńil bólýde. Osy jyly týrızmdi damytýǵa 1 trln teńge bólinip, 22 myń jumys orny qurylmaq. Qujat týrızm ındýstrııasyn odan ári damytýǵa múmkindik beredi dep senemin», dedi Mádenıet jáne sport vıse-mınıstri Ǵabıdýlla Abdrahımov.
«Atameken» UKP Basqarma tóraǵasynyń orynbasary Iýlııa Iаkýpbaeva úshjaqty jol kartasyna qol qoıý salanyń jekelegen baǵyttaryn qosa alǵanda onyń ary qaraıǵy damýy, sondaı-aq birlesken usynystar daıyndaý týrıstik ónimderdi qalyptastyrý jáne ınfraqurylym máselelerin sheshýde tıimdi mehanızmge aınalatynyn aıtty.
– Jol kartasy – osy jylǵy is-áreketterdiń naqty jospary. Jobanyń barlyq is-sharasy naryq úshin mańyzdy bolǵandyqtan, bizdiń ýákiletti organ jáne Kazakh Tourism birlesip atqarǵan jumysy bir baǵytta bolatyny bıznes úshin tıimdi baǵdar. О́tken jyly bastaý alǵan ınfraqurylymdy jáne týrıstik ónimdi jaqsartý jónindegi is-sharalardan basqa, bıyl sıfrlandyrý, ańyz-áńgimege súıengen týrızm, medısınalyq jáne ekologııalyq týrızm, kadrlardy daıarlaý jáne taǵy basqa tarmaqtar qosyldy, – dedi Iý.Iаkýpbaeva.
О́z kezeginde Kazakh Tourism Basqarma tóraǵasy Erjan Erkinbaev pandemııa qıyndyqtary, qarjynyń qysqarýy, qarajat jáne bıznesti qoldaý quraldarynyń shektelýine qaramastan, 2020 jylǵy Jol kartasynyń is-sharalary esebinen ótken jyl ónimdi bolǵanyn málimdedi. «Qujat arqyly baǵdar alǵan baǵytymyz jalǵasyn tabýy kerek, al mınıstrliktiń bizge qoldaý bildirgeni qujat qoldanýyn tereńdete túsedi. О́zimizge alǵan mindettemelerdi oryndaýdy jalǵastyramyz, ásirese osyǵan deıin nazar men qoldaýǵa ilikpegen baǵyttar nysanǵa alynady», dedi ol.
Aıta keteıik, osyǵan uqsas Jol kartasy byltyr «Atameken» UKP men «Kazakh Tourism» UK» AQ arasynda jasalyp, ulttyq týrıstik ónimdi qalyptastyrýǵa baǵyttalǵan bolatyn. Jol kartasy sheńberinde sanatorıı, kýrort nysandaryn túgendeý boıynsha aýqymdy jumys, qolóner jáne agrotýrızm boıynsha keshendi ekspedısııa júrgizilip, oqýshylar úshin bilim berý ekskýrsııalaryn uıymdastyrý boıynsha «Jandy sabaqtar» qanatqaqty jobasy iske asyryldy. Sonymen qatar tanymal týr baǵyttar boıynsha qajet ınfraqurylym aıqyndaldy. Osy oraıda ulttyq týrıstik ónimdi qalyptastyrý úshin birigip jumys isteý jónindegi bastama naryqta oń baǵasyn alǵan-dy.
