Aımaqtar • 04 Naýryz, 2021

Túrkistan oblysynda 16 zańsyz qurylys nysany súrilgen

410 ret

kórsetildi

1 mın

oqý úshin

О́tken jyly Túrkistan oblysy aýmaǵynda 16 zańsyz qurylys nysandary súrilgen. Onyń ishinde, 6 nysan sot sheshimderimen, 10 nysan túsindirme jumystary arqyly menshik ıeleriniń óz erkimen buzylǵan-dy. Bul týraly oblystyq memlekettik sáýlet-qurylys baqylaý basqarmasy basshysynyń orynbasary Tartý Baıtursynov málimdedi, dep habarlaıdy Egemen.kz.

Marjan TILEÝBEK

Túrkistan oblysynda 16 zańsyz qurylys nysany súrilgen

«О́tken jyly óńir kóleminde 715 joba boıynsha nysandardyń qurylys-montajdaý jumystary bastalǵan. Onyń ishinde 356 nysannyń qurylysy bıýdjet qarajaty esebinen, 348 nysannyń qurylysy jeke kásipkerlik qarajaty esebinen jáne 11 joba ınvestısııalyq qarjy esebinen salynýda. Sondaı-aq basqarmada 2020 jyly zań talaptaryn saqtamaı salynǵan 84 qurylys nysanyna tekserý júrgizilip, anyqtalǵan zańbuzýshylyqtar negizinde QR-nyń ÁQBtK-niń baptaryna sáıkes 153 hattama boıynsha jaýapqa tartylǵan», dedi T. Oryntaıuly brıfıngte.

Onyń aıtýynsha, zań talaptary saqtalmaǵany úshin jalpy salynǵan aıyppul kólemi 28 935 945 teńgeni quraıdy. Negizinen, basqarma tarapynan 5 memlekettik qyzmet kórsetiledi. Atalǵan qyzmetter 2019 jyldan bastap 100 paıyzǵa elektrondy túrde kórsetilýde.

О́tken jyly qurylys salasynda lısenzııa alýǵa, qaıta tirkeýge, attestat alýǵa qatysty barlyǵy 1096-ótinish qabyldanǵan.