Qoǵam • 04 Naýryz, 2021

Áleýmettik kásipkerlik «erekshe» adamdar úshin jumys oryndaryn qurýǵa kómektesedi

17 ret kórsetildi

Qazaqstanda áleýmettik kásipkerlik birte-birte qarqyn alyp keledi. Búginde mundaı jobalar iri qalalarda ǵana emes, óńirlerde de júzege asyrylýda. Máselen, Qostanaı oblysynyń Rýdnyı qalasynda qoǵamshyldar áleýmettik kásipkerlik aıasynda jobaǵa bastama jasap qana qoımaı, ony aıaǵyna qoıyp, erekshe qajettilikteri bar birneshe adamdy jumysqa ornalastyra aldy, dep habarlaıdy Egemen.kz.

30 jyldan astam ýaqyttan beri Rýdnyı qalasynda «Rýdnyı qalalyq múgedekterdiń erikti qoǵamy» QB jumys istep keledi. Ol múgedektigi bar adamdardy biriktiredi, olarǵa jumys tabýǵa jáne ómirde óz ornyn tabýǵa kómektesedi, basqasha aıtqanda múmkindikteri shekteýli adamdardy is júzinde ıntegrasııalaý jáne ońaltý prosesin júzege asyrady.

2019 jyly «RQMEQ» QB «Samruk-Kazyna Trust» Áleýmettik jobalardy damytý qorynyń «Áreket» jobasynyń grantyn jeńip alyp, ózine-ózi qyzmet kórsetý TQKS arnalǵan qosymsha úı-jaıyn salyp, jabdyqtady, osylaısha onyń jumysyn keńeıtti.

«Biz avtokólikterdi jóndeý boıynsha keshendi servıstiń aqyly qyzmetterin kórsetemiz, oǵan shınomontaj rásimderi, teńgerimdeý, júris bóligin jóndeý kiredi. Budan basqa, biz avtokólik ıelerine avtokólikti óz betinshe jóndeýge arnalǵan jabdyǵy bar TQKS úı-jaılaryn jalǵa beremiz», deıdi birlestik tóraǵasy Sanash Eshanov.

KEU erekshe qajettilikteri bar 8 adamdy montajdaý jáne avtojóndeý sehynda bilim men jumys daǵdylaryna úıretti jáne olardy qoldanystaǵy ózine-ózi qyzmet kórsetý TQKS-na jumysqa ornalastyrdy.

Mysaly, Iýrıı Vınogradov stansııada dıspetcher bolyp jumys isteıdi. Iýrııdiń bilimi tehnıkalyq, biraq mashınalar boıynsha emes. Keńes zamanynda ol óndiriste jaraqat alyp, sodan beri múgedektigi bar. Munda onyń mindetine TQKS klıentterin jazý, quraldardy berý, jóndeýge kómektesý kiredi.

«TQKS-da jumys isteý múmkindigi tek jalaqy tólengendikten ǵana qundy emes. Men úshin ózimdi kerek seziný mańyzdy», deıdi Iýrıı.

«Áreket» jobasynyń arqasynda «RQMEQ» QB óz aımaǵynda áleýmettik kásipkerlik mádenıetin damyta bastady, aımaqtaǵylar buǵan deıin mundaı uǵym týraly estigen, biraq belsendi qoldanýǵa batyly jetpegen.

Joba sátti júzege asqan ıdeıalardyń birine aınaldy. Onyń avtorlary ózderin úlgi etip, aınaladaǵylarǵa áleýmettik joba paıda ákelip qana qoımaı, qoǵamdyq uıymǵa qarjylyq turaqtylyqty tabýǵa múmkindik beretinin dáleldedi.

«Rýdnyıdaǵy ózine-ózi qyzmet kórsetý TQKS jobasy - áleýmettik kásipkerliktiń jaqsy úlgisi. Bir jaǵynan, erekshe qajettilikteri bar adamdardy jumysqa ornalastyrý sııaqty áleýmettik másele sheshilýde. Ekinshi jaǵynan, uıym jalaqy kózin tapty, sonyń arqasynda ol óz qyzmetkerlerin jalaqymen qamtamasyz etedi, kommýnaldyq shyǵyndardy tóleıdi jáne basqa jobalardy bastaı alady. Úshinshiden, Rýdnyı qalasynyń turǵyndary TQKS qyzmetterin áleýmettik baǵamen alady, sondyqtan joba halyq arasynda úlken tanymaldylyqqa ıe boldy», dep túsindirdi «Samruk-Kazyna Trust» Qorynyń resmı ókili Mıras Irgebaev.

Joba erekshe qajettilikteri bar adamdardy jumysqa ornalastyrý arqyly qoǵamǵa áleýmettendirýge sózsiz áser etti. Sonymen qatar, osy jobanyń arqasynda erekshe qajettilikteri bar adamdardy jumyspen qamtý máselelerin sheshý joldary týraly qoǵamnyń habardarlyǵy artady.

«RQMEQ» QB alǵa qoıǵan josparlary kóp. Biraq eń basty maqsat – toqtamaý jáne eshteńege qaramastan osy isti jalǵastyrý, múgedektigi bar adamdardy biriktirý jáne ózgelerge úlgi bolyp, bári de múmkin ekenin dáleldeý.

 

Sońǵy jańalyqtar

Izraıl «betperdesin sheshti»

Álem • Búgin, 16:32

Ilim adamǵa ne úshin qajet?

Rýhanııat • Búgin, 16:00

Palata otyrysynyń kún tártibi bekitildi

Parlament • Búgin, 15:48

«Ýkaznoı molda»: Ol kim?

Rýhanııat • Búgin, 15:25

Prezıdent Qaırat Kelimbetovti qabyldady

Prezıdent • Búgin, 14:43

Qaraǵandyda qylmystyq top quryqtaldy

Qoǵam • Búgin, 12:59

Dollar qaıta qymbattap jatyr

Ekonomıka • Búgin, 11:44

ShQO-daǵy Shar ózeninde balyq qyrylýda

Aımaqtar • Búgin, 10:49

Shymbulaq shyńynan 6 adam qutqaryldy

Qoǵam • Búgin, 10:32

Qurttyń ishinen esirtki tabyldy

Aımaqtar • Búgin, 09:43

«Astana» kósh bastady

Sport • Búgin, 09:40

Qyzylordada aýa sapasy nasharlaıdy

Aımaqtar • Búgin, 09:22

Shekarashy sarbazdar ant qabyldady

Qazaqstan • Búgin, 09:20

Jartylaı fınalda súrindi

Tennıs • Búgin, 07:56

Keńeıtilgen quram jarııalandy

Hokkeı • Búgin, 07:54

«Sary mysyq» festıvaldi ashady

Kıno • Búgin, 07:52

Kókpar – ulttyq minez

Rýhanııat • Búgin, 07:50

Tasqynǵa qarsy ázirlik oıdaǵydaı

Oqıǵa • Búgin, 07:40

Aq úıdiń alǵashqy meımany

Álem • Búgin, 07:38

Eski úılerdi esirkegen joba

Aımaqtar • Búgin, 07:33

Uqsas jańalyqtar