Byltyr 430,7 myń adam jalpy somasy 52,3 mlrd teńgege bala týǵanda beriletin birjolǵy járdemaqyny alǵan. Bir jasqa tolǵanǵa deıingi bala kútimine baılanysty aı saıynǵy járdemaqyny 2020 jyly orta eseppen 120,9 myń adam alypty. Olarǵa 31,7 mlrd teńge tólengen.
«Altyn alqa», «Kúmis alqa» alqalarymen marapattalǵan nemese buryn «Batyr Ana» ataǵyn alǵan, I jáne II dárejeli «Ana dańqy» ordenderimen marapattalǵan kópbalaly analarǵa beriletin aı saıynǵy járdemaqy 49,1 mlrd teńgeni qurap, 232,3 myń áıel qamtylǵan. Tórt jáne odan da kóp kámeletke tolmaǵan balalary bar kópbalaly otbasylarǵa beriletin járdemaqyny (236,2 mlrd teńge) 2020 jyly 428 290 myń otbasy alǵan.
2021 jylǵa balaly otbasylardy áleýmettik qoldaýǵa 755,4 mlrd teńge, onyń ishinde bıýdjetten 501,7 mlrd teńge jáne MÁSQ-tan 253,7 mlrd teńge qarastyrylǵan.
