Qujat áskerı polısııa organdaryna áskerı qyzmettiń qaýipsizdigin qamtamasyz etýdi uıymdastyratyn vedomstvolyq baqylaý fýnksııasyn berýdi kózdeıdi.
Qazirgi ýaqytta áskerı polısııa atqaratyn fýnksııalar men mindetterdiń aýqymy bar, alaıda zańnamalyq deńgeıde rettelmegen. Bul Qorǵanys mınıstrliginiń rejımi men qaýipsizdigin qamtamasyz etý, Qarýly Kúshterdiń áskerı qyzmetshileri men azamattyq personaldaryna polıgrafologııalyq zertteýler júrgizý.
Jańa qujatta Qorǵanys mınıstri bekitetin tizbege sáıkes vedomstvolyq obektilerdiń rejımi men qaýipsizdigin qamtamasyz etý jónindegi ókilettikterdi áskerı polısııa organdaryna berý usynylady. Sondaı-aq áskerlerdiń qatysýymen ótetin buqaralyq sharalar kezinde quqyqtyq tártip pen qaýipsizdikti qamtamasyz etý boıynsha mindetter aıqyndaldy.
Arnaıy memlekettik organdarmen ózara qarym-qatynas máseleleri de rettelgen.
Budan basqa, zań jobasynda áskerı polısııa ókilderiniń beıbitshilikti qoldaý jónindegi halyqaralyq mıssııalarǵa, onyń ishinde BUU mıssııalaryna qatysýyn reglamentteý maqsatynda redaksııalyq sıpattaǵy birqatar túzetýler kózdelgen.
Qujattyń tolyq mátinimen ashyq normatıvtik quqyqtyq aktilerdiń ınternet-portalynda myna silteme boıynsha tanysýǵa bolady: https://legalacts.egov.kz/npa/view?id=4261753.
