«Kent» baspaúıine qarasty qalalyq qoǵamdyq-saıası aptalyqtyń negizgi quryltaıshysy – mesenat Baqtybaı Júnisov. Bas redaktory – Lázzat Qojahmet. Jańa gazet 8-12 bet aralyǵynda aıyna tórt ret basylyp shyǵady. Al tıraj sany 10 000 danaǵa deıin kóbeıtilmek.
Osy ýaqytqa deıin Qaraǵandyda birde-bir qazaqtildi qalalyq gazet bolǵan joq. Tipti, bul másele talaı ret qoǵamdyq talqyǵa túsken bolatyn. Qaraǵandylyqtardyń kópten kútken qýanyshty jańalyǵynyń mán-jaıyn baspaúı quryltaıshysy Baqtybaı Júnisovten surap kórdik. «Birde jigitter «Karagandınskıe vestı» gazetiniń qazaqsha nusqasyn shyǵarý ıdeıasyn usyndy. О́ıtkeni, 500 myńnan astam halqy bar Qaraǵandynyń qalalyq gazeti joq edi. Aqyldasa kele osy «Qaraǵandy habary» aptalyǵyn shyǵara bastadyq. «Til – altyn kópir» degen dana halqymyz. Jalpy, kez kelgen basylymnyń negizgi muraty – ana tilimizdiń keńistigin keńeıtý bolsa kerek. Jańa gazetimiz de osy ıgi maqsatta jumys istemek», dedi mesenat. Aıta keteıik, dál osy «Kent» baspaúıinen «Arqa aqshamy» oblystyq gazeti shyǵyp keledi. Bul – biraz ýaqyt buryn kóbinese orys aqparat quraldary shyǵyp turǵan Qaraǵandy baspasózi búginde qazaqylanyp jatqandyǵynyń belgisi.
Qazaq rýhanııatynyń aıdynyna endi qosylǵan jańa basylymnyń oqyrmany kóp bolsyn deımiz.
