Úkimet • 05 Naýryz, 2021

Roman Sklıar munaı ónimderin taýarlyq bırja arqyly satý týraly aıtty

9 ret kórsetildi

2021 jyldyń naýryzynan munaı ónimderin taýarlyq bırja arqyly satýdy qamtamasyz etý qajet. Bul týraly búgin QR Premer-Mınıstriniń orynbasary Roman Sklıar aıtty.

«Eń aldymen mınıstrlik Teńizdiń bolashaqtaǵy keńeıýi jobasy, Gazǵa qatysty óndiristik shekteýlerdi alyp tastaý jáne Qarashyǵanaqta gazdy ker aıdaıtyn 4-shi kompressor jobasy syndy iri negizgi jobalardy júzege asyrý jumystaryn jalǵastyrý kerek. Ekinshiden, Shetel ınvestorlary keńesi aıasynda Memleket basshysynyń memlekettiń Qashaǵan jobasyn júzege asyrýǵa qatysý tıimdiligin arttyrý týraly bergen hattamalyq tapsyrmasyna sáıkes, osy jyly Qashaǵan ken ornynyń shıkizaty bazasynda qýaty 1,150 mlrd tekshe metr shıkiz gaz bolatyn gaz óńdeý zaýytyn bastaý qajet», dedi Úkimet basshysynyń orynbasary QR Energetıka mınıstrliginiń keńeıtilgen alqa otyrysynda.

Sonymen qatar ol QR Prezıdenti halyqqa arnaǵan Joldaýynda munaı ónimderi salasynda bırjalyq saýdany retke keltirýdi jáne jetildirýdi tapsyrǵanyn eske salyp ótti. «Osyǵan oraı, Energetıka mınıstrligi Saýda jáne ıntegrasııa mınıstrligimen birlesip, osy jyldyń naýryzynan-aq munaı ónimderin taýarlyq bırja arqyly sata bastaýdy qamtamasyz etýi kerek», dedi Roman Sklıar.

 

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar