Aımaqtar • 05 Naýryz, 2021

Gúlshara Ábdiqalyqova aıaýly analardy merekesimen quttyqtady

93 ret kórsetildi

Oblys ákimi Gúlshara Ábdiqalyqova 8 naýryz – «Halyqaralyq áıelder kúni» merekesi qarsańynda áıel-analarmen kezdesip, olardy merekemen quttyqtady, dep habarlaıdy Egemen.kz oblys ákiminiń baspasóz qyzmetine silteme jasap.

«Analarymyzdy ardaqtap, qadir tutýdyń shekteýli merzimi joq. Desek te, kóktemniń kúnin kórikti etetin 8 naýryz – «Halyqaralyq áıelder kúni» sol 365 kúnniń eń bir erekshe kúni ekeni daýsyz. Olaı bolsa, búgin qoǵamnyń barlyq salasynda erlermen ıyq tirestire eńbek etip júrgen názik jandarǵa, aıaýly analarǵa shynaıy alǵysymyzdy bildirsek degen nıetpen jınalyp otyrmyz. Bıyl - Táýelsizdigimizdiń 30 jyldyq mereıli jyly. Osy jyldar ishindegi elimizdiń tolaǵaı tabystary men Syr ólkesiniń qol jetken jetistikteriniń barlyǵynda bir qolymen besik, ekinshi qolymen álemdi terbetken áıelder qaýymynyń óz qoltańbasy bar. Sizderdi qasıetti Jer-ana býsanyp, qar astynan alǵashqy báısheshek boı kóterip, jer-dúnıe kún shýaǵyna bólenetin kóktemniń kórikti merekesimen quttyqtaýǵa ruqsat etińizder!» dedi oblys ákimi Gúlshara Ábdiqalyqova.

Qazirgi tańda óńirimizdegi halyq sany - 814 461 bolsa, onyń ishinde názik jandylardyń sany – 405 526 quraıdy. Qalalyq jerdegi áıelder – 185 462 bolsa, aýyldyq jerde - 220 064. Kópbalaly analar sany - 38 706. Onyń ishinde «Altyn alqa» ıesi – 4363 bolsa, «Kúmis alqa» ıesi – 9655. Oblys boıynsha memlekettik qyzmetshilerdiń 37 paıyzy – áıelder. Sondaı-aq, medısına qyzmetkerleriniń 87 paıyzy, pedagogtardyń 73 paıyzy áıelder bolsa, jalpy bıýdjettik salada 60 paıyz qyz-kelinshek qyzmet etedi. Oblystyq, qalalyq aýdandyq depýtattary sany – 152 bolsa, onyń 39-y áıel azamatsha. Búginde óńirimizde 54 157 shaǵyn jáne orta kásipkerlik sýbektisi tirkelse, onyń shamamen 22 myńnan astamy áıel kásipker.

О́tken 2020 jyly «Bıznestiń jol kartasy-2025» memlekettik baǵdarlamasy aıasynda 382 kásipkerge qoldaý kórsetilse, onyń ishinde 178-i áıel kásipker qoldaýǵa qol jetkizgen.

Kezdesýde aımaq basshysy kóp balaly analar Iýlııa Panashýk pen Farıda Tóreqojaevaǵa «Kúmis alqa» tósbelgisin tabys etti.

Sharada sóz alǵan oblystyń Qurmetti azamaty Almagúl Bojanova men aýylsharýashylyǵy salasynyń ardageri Raıa Berdeshova qórsetilip jatqan qurmet úshin aımaq basshysyna alǵysyn bildirip, óńirdiń órkendeýine tilektestikterin bildirdi.

Al, 25 jyldan asa akýsher qyzmetin atqaryp, 10 myńnan asa sábıdiń «Kindik anasy» atanǵan Gúlmıra Isabekova áıel jáne ana baqyty jaıly ónegeli oılarymen bólisti.

Aqyn Asylzat Arystanbek «Áıel álemi» atty óleńin oqyp, mereke ıelerine jyrdan shashý shashty. Táýelsizdiktiń qurdasy, Qorqyt ata atyndaǵy Qyzylorda ýnıversıtetiniń Halyqaralyq baılanystar bóliminiń basshysy, «Memlekettik jáne jergilikti basqarý» bilim berý baǵdarlamasynyń doktoranty Bekzat Yrza jastarǵa jasalyp jatqan memlekettiń qoldaýlaryn aıta kele, el múddesi úshin aıanbaı eńbek etetindigin jetkizdi.

Jalpy náziktik pen sulýlyqtyń sımvoly sanalatyn, kóktemniń shýaqty merekesinde bas qosqan áıelder qaýymy, názik jandylardyń qoǵamdaǵy orny, olardyń urpaq tárbıesi men el ómirindegi eleýli isterge úlesi jaıly erkin pikir almasty.

Kezdesý sońynda aımaq basshysy saltanatty basqosýdyń qonaqtaryna merekelik syılyqtar tabystap, estelik sýretke tústi.

Sońǵy jańalyqtar

«Ertis ormany» rezervatynda órt shyqty

Aımaqtar • Búgin, 21:30

Tarıhı jeńiske qol jetkizdi

Tennıs • Búgin, 20:12

Nar tulǵa

Rýhanııat • Búgin, 20:10

Ekpe saldyrý ózekti

Medısına • Búgin, 20:07

Sheteldik basylymnan

Álem • Búgin, 20:02

Arýlarymyz alty júlde aldy

Sport • Búgin, 19:55

Qazaqstanǵa agrobank qajet pe?

Qazaqstan • Búgin, 19:51

Aıtyldy-oryndaldy: Jeti JOO jabyldy

Prezıdent • Búgin, 18:31

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

Uqsas jańalyqtar