Medısına • 05 Naýryz, 2021

Qazaqstan men О́zbekstan medısına salasynda yntymaqtastyqty nyǵaıtady

30 ret kórsetildi

Búgin О́zbekstan Respýblıkasyna jumys sapary aıasynda Qazaqstan Respýblıkasy Premer-Mınıstriniń orynbasary Eraly Toǵjanov О́zbekstan Respýblıkasynyń Premer-Mınıstri Abdýlla Arıpovpen kezdesti.

Kelissóz barysynda densaýlyq saqtaý, bilim jáne ǵylym salasyndaǵy Qazaqstan men О́zbekstannyń yntymaqtastyǵyn nyǵaıtý máseleleri talqylandy. Qos memlekettegi qazirgi epıdemıologııalyq jaǵdaı týraly pikir almasyp, COVID-19 jańa ınfeksııasyna qarsy kúresýde qabyldanǵan sharalardy iske asyrýdyń mańyzdylyǵy atalyp ótildi. Epıdemııa jáne pandemııa bolǵan jaǵdaıda jedel áreket jasap, ózara is-qımyl boıynsha birlesken tıimdi sharalar ázirleý týraly kelisimge qol jetkizildi.

Kezdesý barysynda taraptar joǵary tehnologııalyq medısınalyq kómek kórsetý, sanıtarııalyq-epıdemıologııalyq sharalarǵa kóńil bólý, vaksınalaý boıynsha aldyn alý máseleleri, aqparattyq tehnologııalardy engizý, farmasııa boıynsha ózara is-qımyldy jolǵa qoıý, onyń ishinde farmasevtıkalyq ónerkásipte kooperasııalyq jobalardy iske asyrýdy pysyqtaý jáne densaýlyq saqtaý máseleleri boıynsha medısınalyq qyzmetter kórsetý, t.b. máseleler boıynsha yntymaqtastyqty jandandyrý qajettiligi týraly ortaq pikirge toqtady.

Joǵary tehnologııalar salasyndaǵy birlesken jobalardy keńeıtý jáne eki el arasyndaǵy úzdiksiz medısınalyq bilim berý salasyndaǵy yntymaqtastyǵyn jandandyrý, medısınalyq bilim berý uıymdarynyń stýdentteri men oqytýshylary arasyndaǵy akademııalyq utqyrlyqty keńeıtý, birlesken ǵylymı jobalardy ázirleý jáne engizý, t.b. salalar boıynsha ózara ózara is-qımyldy jolǵa qoıý týraly kelisimge qol jetkizildi.

Kelissóz barysynda Qazaqstan Premer-Mınıstriniń orynbasary О́zbekstanda qazaqstandyq joǵary oqý oryndarynyń fılıaldaryn ashý múmkindigin qarastyrýdy, sondaı-aq eki memlekettiń prezıdenttik mektepteri arasynda tájirıbe almasýdy bastaýdy jáne jalpy bilim berý salasyndaǵy yntymaqtastyqty jandandyrýdy usyndy.

Kezdesý qorytyndysy boıynsha Eraly Toǵjanov jyly shyraımen qarsy alǵan qonaqjaılyǵy úshin О́zbekstan Premer-Mınıstrine rızashylyǵyn bildirip, ózbek tarapyn Qazaqstanǵa resmı saparmen kelýge shaqyrdy.



Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar