Syr elindegi ıgi ister marafony halyqaralyq áıelder kúni merekesi qarsańynda 1000 otbasyǵa qýanysh syılady. Oblystyq basqarmalar men qala ákimdigi tarapynan 700 otbasyǵa azyq-túlik sebetteri úlestirilse, kentter men aýyldyq okrýg ákimdikteri 300 otbasyǵa azyq-túlik ónimderinen quralǵan áleýmettik paketter taratty.
Ortaq isterge toptasyp, kópbalaly otbasylarǵa qýanysh syılaýǵa “Baqytty otbasy” qyzmetkerleri, “Syr analary” alıanysynyń birqatar erikti analary jáne Qyzylorda oblysynyń volonterlar front-ofısy eriktileri jumyldy.
Mereke qarsańynda árbir otbasyǵa taratylǵan áleýmettik sebette eń qajetti kún saıyn tutynatyn ónimder toptastyrylǵan. Aıtalyq, un, kúrish, makaron, maı, sháı ónimderi.
Igi isterge jol ashatyn «Qaıyrymdy ister marafony» Alǵys aıtý kúninde bastaý aldy jáne ári qaraı jalǵasatyn bolady.
Aıta keteıik, Qyzylorda oblysynda ótken jyly bıýdjetten tys qarajat kózderinen áleýmettik jaǵdaıy tómen otbastaryna 1 mlrd 634 mln teńgege qaıyrymdylyq kómekter kórsetildi. Al, bastamashyl top «Syr Volonterlary» ortalyǵy azamattyq qoǵam ınstıtýttary, jastar uıymdary jáne mesenattarmen birlesip 521 qaıyrymdylyq shara ótkizip, 19669 adamǵa kómek berildi.
