Energyprom.kz málim etkendeı, 2021 jyldyń qańtarynda 5,5 myń tonna shokolad pen basqa da táttiler ázirlendi. Bul aldynǵy jylǵa qaraǵanda 26,4%-ǵa edáýir az.
Aımaqtyq kontekstte óndiristiń jalpy kóleminiń 94,1% úsh óńirdiń úlesine tıesili: Almaty qalasynda (3 myń tonna, bir jylda mınýs 24,4%), Almaty (1,1 myń tonna, mınýs 0,5%) jáne Qostanaı oblystarynda (1,1 myń tonna, mınýs 47%).
Sarapshylardyń baǵalaýy boıynsha ishki naryqta 163,9 myń tonna shokolad satyldy. Ol ótken jylmen salystyrǵanda 0,7%-ǵa az. Qazirgi ýaqytqa deıin eldiń árbir turǵynyna 8,7 keli shokolad bolsa, al kondıterlik ónimder aıyna 724 grammnan ázirlendi.
2020 jyldyń qańtar-jeltoqsan aılarynda elimizge 71,1 mln dollarǵa 39,2 myń tonna kakaosyz, ıaǵnı qanttan ázirlengen kondıterlik ónimder jetkizildi. О́sim naqty mánde 9,5%, qarjylaı 0,1%-dy qurady.
Importtyń negizgi bóligi (87,7%) TMD elderine tıesili ekenin atap ótken jón. Sonyń ishinde negizgi jetkizýshiler – Reseı, Ýkraına jáne О́zbekstan. Qalǵan 12,3% álemniń basqa elderinde tirkeldi.
Elimizge shokolad pen quramynda kakao bar daıyn ónimderdi 173,3 mln dollarǵa, ıaǵnı 62,7 myń tonna jetkizildi. Importtyń tómendeýi 8,1%-dy, al aqshamen eseptegende jylyna 5%-dan asyp jyǵylady. Munda da ımporttyń kóp bóligi TMD elderinen keledi (89,6%)
Osy jyldyń qańtar aıynda kondıterlik ónimder aldynǵy jylǵa qaraǵanda 7,8%-ǵa qymbattady. Sonyń ishinde karamel – 6,2%-ǵa, shokoladpen glazýrlengen kámpıtter – 8,2%-ǵa, shokoladtyń baǵasy – 8,1%-ǵa artty.
Aqpan aıynda eldegi qalalardyń dúkenderi men glazýrlenbegen shokolad kámpıtteriniń baǵasy 1,2 myń teńgege jýyqtady. О́tken jyldyń sáıkes kezeńimen salystyrǵanda 7%-ǵa artyq.
Qazaqstannyń iri qalalarynyń ishinde táttilerdiń eń qymbaty – Aqtaýda (1,4 myń teńge), al eń arzany – Aqtóbede (1,1 myń teńge) tirkelgen.
Rabıǵa MURAT
