Belgili bolǵandaı, er adam qurylysy aıaqtalmaǵan bes qabatty ǵımarattyń shatyrynan sekirmek bolǵan. Birneshe mınýttan keıin ýchaskelik polısııa qyzmetkeri ǵımarattyń tóbesine shyǵyp, jas jigitti áńgimege tartyp, ony raıynan qaıtarýǵa tyrysqan.
«29 jastaǵy jigit ózi jumys istegen kásiporyn basshysynyń ústinen shaǵymdanǵan. Ol jumys barysynda jaraqat alǵanyn jáne ol úshin áli kúnge deıin aqshalaı ótemaqy tólenbegenin aıtqan. О́zara dıalog kezinde polısııa qyzmetkeri oǵan baıyppen jaqyndap, sekirýge oqtalǵan sátte qolynan ustap, ózine tartyp qaldy», delingen habarlamada.
