Koronavırýstyq vaksınanyń eki ıneksııasynyń birinshisi 79 jastaǵy Italııa prezıdenti Serjıo Mattarellaǵa jasaldy.
Bul týraly sheteldik jýrnalısterge memleket basshysynyń baspasóz hatshysy Djovannı Grasso aıtty.
«Prezıdent ıne saldyrdy», dedi baspasóz hatshysy. Biraq qaı preparattyń qoldanylǵany kórsetilmegen.
ANSA málimeti boıynsha, prezıdent amerıkandyq Moderna dárisiniń dozasyn alǵan.
Serjıo Mattarella shilde aıynda 80 jasqa tolady jáne Kvırınal saraıynda aıtylǵandaı, prezıdent óziniń jas tobyna arnalǵan vaksınasııanyń ulttyq kestesine sáıkes ekpe alǵan.
«Vaksına Rımdegi Lazzaro Spallanzanı juqpaly aýrýlar ulttyq ınstıtýtynda jasaldy», dep habarlady baspasóz qyzmeti.
