Vedomstvo málimetinshe, 101 pýltine 5 naýryz kúni saǵat 18.33-te Aqqaıyń aýdany Lenınskoe eldi mekeninde baspanadan órt shyqqany jóninde habar túsken. Oqıǵa ornynan er adamnyń denesi tabyldy. О́rttiń shyǵýyna gaz ústinde qalǵan tamaq sebep bolǵan. О́rt sóndirýshiler kelgenshe deıin ıis tıgen er adamnyń denesin úıden áıeli alyp shyqty. Jalyn bir sharshy metr aýmaqty sharpyǵan.
«Qyzyljar aýdany Nadejka eldi mekeninde órt shyqqandyǵy jóninde habar 7 naýryz kúni saǵat 16.19-da tústi. Oqıǵa ornyna birden kezekshi qaraýyl attandy. Ara qashyqtyq – 45 shaqyrym. Tek 58 mınýtten keıin ǵana jetti. О́rt sóndirýshiler kelgende baspana jalynǵa oranyp úlgeripti, gaz ballony jarylǵan. Qar qursaýynda qalǵan úıge jetý qıyndyq týǵyzdy. 400 metrdeı jerden sóndirýge týra keldi. Alaıda baspana da, qasyndaǵy kólik te tolyq janyp ketti», - deıdi SQO TJD basqarmasynyń bastyǵy Rústem Jumaǵalıev.
Úıde er adam jalǵyz turǵan. Onyń aıtýynsha, bólmede temeki shekken, órt sodan shyqqan.
Jalpy jyl basynan SQO-da 145 órt tirkeldi, 22 adam mert boldy, sonyń ekeýi - bala. 22 adam túrli dene jaraqatyn aldy. Kelgen shyǵyn mólsheri – 71 mln teńgeden asady. О́rtterdiń 77 %-y jeke turǵyn úı sektorynda bolǵan.
