Qazyǵurt aýdandyq Polısııa basqarmasyna aýdan prokýratýrasynan qujattar kelip tústi. Onda jergilikti turǵyndardyń biri qaıtys bolǵan ákesine memleket tarapynan tólenetin zeınetaqysyn zańsyz alyp kelgeni kórsetilgen. Osylaısha turǵyn zeınetaqyny alý múmkinshiligi joq ekenin bile tura, eki jyl úsh aı zańsyz alyp, memleketke bir mıllıon 200 myńnan astam teńge shyǵyn keltirgen. Atalǵan jaıt QR QK-niń 190-baby (Alaıaqtyq) boıynsha tirkeýge alyndy.
Aqparat alysymen polıseıler birden áreket etip, kúdikti turǵynnyń jeke basyn anyqtady. Ony turǵylyqty mekenjaıynan ustap, APB-ne jetkizdi. Er adam óz kinásin tolyq moıyndady. Búginde turǵyn memleket tarapynan eki jyl aldyn dúnıeden ótken ákesiniń atynan alyp otyrǵan aqshalardy qaıtarǵan.
Túrkistan oblysynyń polıseıleri osyndaı ońaı jolmen aqsha tappaq bolǵan turǵyndardy quryqtaýda. О́z kezeginde tártip saqshylary turǵyndarǵa kez kelgen máseleni zań júzinde sheshýge keńes beredi. Qandaı da bir zańsyzdyq oryn alsa, ol mindetti túrde áshkere bolyp, sońy qylmystyq ne ákimshilik jaýapkershilikke ákelip soǵatynyn eskertedi.
