О́zderińizge málim, 2019 jyly sybaılas jemqorlyqqa qarsy is-qımyl boıynsha Memleket basshysyna esepti organ qurylǵannan keıin, eń ozyq sheteldik tájirıbe boıynsha jedel-izdestirý bólimimen qatar quramyna prevensııa, parasattylyq jáne seriktestik departamentteri kiretin aýqymdy aldyn alý blogy quryldy.
Bul sybaılas jemqorlyqtyń aldyn-alýǵa jáne onyń alǵysharttaryn joıýǵa kúsh salýǵa múmkindik berdi.
Agenttiktiń jańa korporatıvti stıliniń qabyldanýy men qoldanylýy qoǵammen tıimdi baılanys ornatýǵa yqpal etti.
Sybaılas jemqorlyqqa qarsy qyzmette qoǵamdyq baqylaýdy keńeıtý bastamasy retinde qoǵam ókilderi Agenttiktiń konsýltatıvtik-keńesshi organdarynyń jumysyna jáne tártiptik, etıkalyq tájirıbe, memlekettik satyp alý rásimderi máselelerin talqylaýǵa, sonymen qosa, sybaılas jemqorlyqqa qarsy saıasatty jetildirýge, Agenttiktiń aptalyq apparattyq májilisterine qatysady.
2018 jyly bastalǵan organnyń qyzmetin ońtaılandyrý arqyly aldyn alý jáne quqyq qorǵaý mindetterin utymdy retteýmen kásibı komanda quryldy.
Atap aıtqanda, qosalqy qyzmetterdi ortalyqtandyrý jáne ońtaılandyrý (kadrlyq, qarjylyq jáne zańgerlik) iske asyryldy.
2020 jyly aýdanaralyq bólimshelerdi qysqartý jalǵasty - 13-tiń taǵy 9-y taratyldy (2019 jyly 41 boldy), eldiń iri aımaqtarynda 4-eýi qaldy (Almaty, Shyǵys Qazaqstan, Qaraǵandy, Túrkistan oblystary).
Basshylyq 453-ten 253-ke deıin 2 esege qysqardy.
Basshylar men oryndaýshylardyń araqatynasy 1:8-ge jetti (ońtaılandyrýǵa deıin - 1:2).
Ońtaılandyrý sharalarynyń arqasynda Sybaılas jemqorlyqqa qarsy qyzmettiń bos oryndar qory 25%-ǵa jetkizilip, jedel-tergeý bólimi kúsheıtildi.
Sonymen, 2019 jyly kvazımemlekettik sektordaǵy, quqyq qorǵaý jáne sot organdaryndaǵy sybaılas jemqorlyq quqyq buzýshylyqtaryn anyqtaý jáne tergeý jóninde 2 jańa departament quryldy.
2020 jyly memlekettik organdardyń joǵary basshylyq quramy arasynda qylmystardy anyqtaıtyn maqsatty bólimshe quryldy.
Únemdelgen qarajat materıaldyq-tehnıkalyq bazany nyǵaıtýǵa, qyzmetkerlerdi qarjylyq qoldaý men ishki bıznes-prosesterdi sıfrlandyrýǵa baǵyttaldy.
Tóraǵanyń sıfrlandyrý jónindegi kómekshisi – jańa laýazymy engizildi.
Onyń basshylyǵymen ishki prosester men syrtqy kommýnıkasııalardy sıfrlandyrý maqsatynda sybaılas jemqorlyqqa qarsy sıfrlyq qyzmetti taldaý platformasyn iske asyrýdyń birinshi kezeńi aıaqtaldy.
Jobanyń mindetteri - kadrlyq prosesterdi sıfrlandyrý (Antikor-HR), vedomstvolyq eseptilikti avtomattandyrý (Antikor-Stat) jáne aldyn alý jumystaryn júıeleý (Antikor-Prevent).
Jaza taǵaıyndaý barysynda qamaýǵa alýdy kózdemeıtin, elektrondyq baqylaý quraldaryn qoldaný bastaldy (2020 jyly 5 kúdikti táýlik boıy baqylaýda boldy).
«E - qylmystyq is» jobasynyń aıasynda tergeýshilerdiń jumys oryndary jabdyqtalyp, málimetter qaýipsizdigi qamtamasyz etildi. 2020 jyly 121 qylmystyq is elektrondy túrde tergeldi.
Elbasynyń, Memleket basshysynyń qoldaýy men bos oryndar qory Agenttik pen onyń aýmaqtyq organdary qyzmetkerleriniń eńbekaqysyn eki eseden astam arttyrýǵa múmkindik berdi.
Agenttik qyzmetkerlerin turǵyn úımen qamtamasyz etý boıynsha jumys turaqty negizde júrgizilýde. Qazirgi tańda jeke quramnyń 80%-y turǵyn úımen qamtamasyz etilgen.
Sonymen qatar, Memleket basshysy Agenttiktiń jedel-tergeý quramynyń qyzmetkerlerine turǵyn úı tólemderin belgileý týraly Zańǵa qol qoıdy. О́tken jyldyń sońynda baspanaǵa muqtaj 260 qyzmetkerge tólem esepteldi.
Nur-Sultan, Kókshetaý jáne Taldyqorǵan qalalarynda 121 qyzmetker páterlerdi naryqtyq baǵadan tómen baǵamen satyp alý úshin qurylys salýshylarmen kelisimshart jasasty.
105 qyzmettik páter bólindi. Jeke kompanııalarmen salystyrýǵa bolatyn eńbekaqynyń jáne áleýmettik qamsyzdandyrýdyń joǵary deńgeıi azamattyq sektordan jáne basqa memlekettik organdardan joǵary bilikti kadrlardyń kelýin qamtamasyz etti.
7 qyzmetkerdiń Prezıdent Ákimshiligi men Premer-Mınıstr Keńsesinde, 15 - ulttyq qaýipsizdik organdarynda, 29 - prokýratýrada, 17 - azamattyq sektorda jumys tájirıbesi bar. Qazirgi tańda olardyń árqaısysy Agenttiktiń uıymdyq qurylymynda negizgi qyzmetter atqarady.
Agenttiktegi memlekettik qyzmettiń tartymdylyǵyn bizge jumysqa turýǵa nıet bildirgenderdiń sany da aıǵaqtaıdy.
Osylaısha, «B» korpýsynyń bos laýazymdaryna ornalasýǵa arnalǵan konkýrstarǵa ortasha eseppen bir orynǵa 21 úmitker qatysady. Bul basqa ortalyq memlekettik organdarǵa ótinish berýshilerdiń ortasha kórsetkishinen 3 ese kóp, bir orynǵa 7 adam.
Keı jaǵdaıda Agenttikte qyzmettiń bedeline erekshe mán beriledi. О́tken aptada ǵana Parasattylyq departamentiniń sarapshysy laýazymyna konkýrsqa qatysýǵa 101 úmitker ótinish berdi.
Kadrlyq transformasııalaý turǵysynan qyzmetkerlerdiń bilim sapasyna zor kóńil bólinedi. Qazirgi ýaqytta Agenttikte sheteldik joǵary oqý oryndarynyń 32 túlegi jumys isteıdi, onyń 12-si «Bolashaq» baǵdarlamasy boıynsha oqyǵan.
2 qyzmetker PhD dárejesine ıe, taǵy ekeýi ony alýǵa daıyndalýda, 10-y ǵylym kandıdaty, 127-si magıstr.
7 adam sheteldik joǵary oqý ornynda bilim alýda, onyń ishinde 6-aýy «Bolashaq» baǵdarlamasy boıynsha. Sonymen qatar Sot tóreligi akademııasynda - 2 adam, Qazaqstan Respýblıkasy Prezıdenti janyndaǵy Memlekettik basqarý akademııasynda - 3, Quqyq qorǵaý organdary akademııasynda - 2 adam doktorantýra jáne magıstratýra baǵdarlamalary boıynsha oqıdy.
Agenttiktiń 5 qyzmetkeri Prezıdenttiń jastar kadrlyq rezerviniń músheleri, bul vedomstvonyń sany azdyǵyn eskergende, memlekettik organdar arasyndaǵy eń joǵary kórsetkishterdiń biri bolyp sanalady.
О́z qatarymyzdyń tazalyǵyn qamtamasyz etý maqsatynda jeke quram tarapynan quqyq buzýshylyqtardy anyqtaý jáne aldyn alý boıynsha júıeli túrde saýalnama júrgizý, kenetten tekserý jáne sot zalynan qyzmetkerlerge qatysty úkimder jarııalaý arqyly qajetti sharalar kesheni turaqty túrde júrgiziledi.
Máselen, 3 jylda óreskel tártip buzýshylyqtar úshin jaǵymsyz sebeptermen 15 qyzmetker jumystan shyǵaryldy.
Agenttik Tóraǵasyn qosqanda barlyq basshylar, eger qaramaǵyndaǵylar keminde bir sybaılas jemqorlyq quqyq buzýshylyǵyn jasaǵan jaǵdaıda, óz erkimen jumystan bosatý týraly mindetteme aldy.
