«Múgedekterdi ońaltýdyń keıbir máseleleri týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 22 qańtardaǵy № 26 buıryǵyna tıisti ózgerister engizildi. Jańa redaksııadaǵy buıryq memlekettik bıýdjet esebinen ÁQP arqyly ońaltý quraldary men qyzmetterin alýdy retteıdi.
Sondaı-aq qujatta jeke kómekshiniń súıemeldeý paraǵyn jáne ymdaý tili mamanynyń qyzmet kórsetý paraǵyn elektrondyq-sıfrlyq qoltańba arqyly áleýmettik qyzmetter portalynda kelisý múmkindigi reglamenttelgen.
Tehnıkalyq kómekshi (ornyn toltyrýshy) quraldardy jeke tańdaý qajettiligin eskere otyryp, buıryqta olardyń túrleri, medısınalyq kórsetkishteri jáne olarǵa qarsy kórsetilimder jazylǵan.
Mysaly, eger buryn ońaltýdyń jeke baǵdarlamasynda (budan ári – OJB) tek bólme nemese serýen kreslo-arbasyn usynsa, endi olardyń sany 5-ke deıin artty (belsendi, kóp fýnksııaly, elektr jetegi bar, qol, ıintirekti jetegi bar).
Budan basqa «Medısınalyq-áleýmettik saraptama júrgizý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 30 qańtardaǵy № 44 buıryǵyna ózgerister engizildi.
Túzetýlerdiń negizgi maqsaty – eskirgen quqyq normalaryn joıý úshin qujatty qoldanystaǵy normatıvtik quqyqtyq aktilerge sáıkes keltirý. Atap aıtqanda, «MÁS qorytyndysy» jáne «Pasıenttiń/múgedektiń OJB-synyń medısınalyq bóligi» nysandarynyń nómirleri ózgertildi.
Budan basqa, kórsetiletin qyzmetti alýshynyń medısınalyq-áleýmettik saraptama júrgizý nátıjeleri boıynsha qujattardy (múgedektigi týraly anyqtama, OJB-dan úzindi kóshirme, jalpy/kásiptik eńbekke qabilettiliginen aıyrylý dárejesi týraly anyqtama jáne t.b.) elektrondyq formatta ESQ nemese bir rettik paroldi paıdalana otyryp, eGov.kz Elektrondyq úkimet portalyndaǵy «Jeke kabınet» arqyly alý múmkindigi bóliginde norma engizildi.
