Atyraý oblysy boıynsha qylmystyq-atqarý júıesi departamenti baspasóz qyzmetiniń aqparatyna qaraǵanda, byltyr Isataı aýdandyq sotynyń úkimimen 32 jastaǵy azamat QR Qylmystyq Kodeksiniń 190-babymen (Alaıaqtyq) kináli dep tanylyp, oǵan 1 jyl merzimge bas bostandyǵyn shekteý jazasy taǵaıyndalypty. Biraq, sottalǵan azamat aıyna 2 ret probasııa qyzmetine tirkelý talabyn oryndamaǵan.
«Sot úkimimen taǵaıyndalǵan májbúrli eńbekti oryndaýǵa qasaqana shyqpady. Atyraý qalasyndaǵy meken-jaıyn teksergen kezde, sottalǵan azamat úıinde bolmady. Keıin sottalǵan azamatqa jazasyn óteýden qasaqana jaltarǵany úshin «eskertý» berilgen. Osyndaı zań buzýshylyqtan soń óziniń túrmege qamalýy múmkin ekenin túsingen sottalǵan azamat probasııa qyzmetkerine para berýge oqtalǵan. Aram oıyn júzege asyrý maqsatynda bekire tuqymdas balyq satyp alyp, probasııa qyzmetkerine bermek bolǵan kezde ustaldy», dep habarlady departamenttiń baspasóz qyzmeti.
Sot úkimimen kináli azamat QR Qylmystyq Kodeksiniń 367-babymen (Para berý) kináli dep tanyldy. Oǵan 2 jyl 1 aı merzimge bas bostandyǵynan aıyrý jazasy taǵaıyndaldy.
