Qoǵam • 12 Naýryz, 2021

Halyqty tolyq vaksınalaý arqyly «ujymdyq ımmýnıtet» qalyptasady

240 ret kórsetildi

Búgin Ortalyq kommýnıkasııalar qyzmetinde Densaýlyq saqtaý mınıstrligine qarasty mekeme ókilderiniń qatysýymen brıfıng ótti. Onda dárigerler koronavırýs ınfeksııasyna qarsy vaksınasııa jáne onkologııalyq naýqastardy vaksınalaýdyń erekshelikteri týraly aıtty, dep habarlaıdy Egemen.kz.

Qoǵamdyq densaýlyq saqtaý ulttyq ortalyǵy dırektorynyń orynbasary Aınagúl Qýatbaeva aıtýynsha, álemde adamǵa qaýipti juqpaly aýrýlardyń barlyǵyna qarsy vaksına joq. Vaksınanyń tıimdiligi 50 paıyz ǵana bolǵan kúnde de adam óz ómirin saqtap qalýdan  bas tartpaýy kerek. Ekpeniń kómegimen aýyr asqynýlardyń, múgedektik, tipti ólimniń aldyn alýǵa bolady. Halyqty tolyq vaksınalaý arqyly «ujymdyq ımmýnıtet» qalyptasady, aýrýdy tasymaldaý deńgeıi tómendeıdi. 

«Búginde planetanyń 99,9% polıomıelıtten, al Qazaqstan bezgekten aryldy. Qyzylsha men qyzamyq, parotıt vırýstarynan da túbegeıli qutylatyn kún jaqyn. Eger ujymdyq ımmýnıtet qalyptastyrý úshin jappaı vaksına saldyrsaq, árqaısymyzdyń Covid-19 pandemııasyn toqtatýǵa úlken úles qosqanymyz bolar edi», dedi Aınagúl Qýatbaeva.

Qazaqstanda qazir naýqas sany azaıǵanymen, alaıda aýrýhanalardaǵy jaǵdaıy aýyr pasıentter qatary ósýde. О́ıtkeni koronavırýs ınfeksııasy sozylmaly aýrýlardy asqyndyrýda. Al onyń aǵzaǵa saldary aýyr ekeni belgili. 

«SARS-CoV-2 koronavırýsy tumaý vırýsy sııaqty mýtasııaǵa ushyraıdy. Eger biz tumaýǵa qarsy vaksınany mysalǵa alsaq, onda óndirýshiler ár 6 aı saıyn vaksınalardyń quramyn  ýaqytqa  jáne aımaqqa qaraı tumaý shtammyna baılanysty ózgertedi. Eger SARS-CoV-2 vırýsy maýsymdyq vırýstar sanatyna aýyssa, onda óndirýshiler epıdemııalyq belsendi shtammǵa baılanysty Ońtústik jarty sharda nemese Soltústik jarty sharda vaksına quramyn ózgertedi», dedi Ftızıopýlmonologııa ulttyq ǵylymı ortalyǵy dırektorynyń klınıkalyq jáne ǵylymı jumystar jónindegi orynbasary Lázzat Eralıeva.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar