«Reforma barysynda halyqaralyq tájirıbe eskeriletinin atap óttińiz. Bul rette damyǵan elder qatarynda polıseılerdiń eńbek jyldarynyń shekti merzimi qazaqstandyqtarǵa qaraǵanda aıtarlyqtaı joǵary. Máselen, Germanııada, Kanadada, AQSh-ta jáne Japonııada quqyq qorǵaý organdary qyzmetkerleri úshin zeınetkerlikke shyǵý 65 jasty quraıdy. Reseıde 2016 jyldan bastap polkovnıkterdiń bekitilgen shekti jasy – 60 jas. Qazaqstanda qyzmetkerlerdiń shekti jasy polkovnıkter úshin 55 jas. Sol sebepti áli de bolsa jumysqa jaramdy joǵary kásibı kadrlardyń turaqsyzdyǵy baıqalady. Polıseılerdiń zeınetkerlikke shyǵýynyń qoldanystaǵy tetigi qanshalyqty tıimdi?», dep surady senator Ábdáli Nuralıev.
Vedomstvo basshysy qazirgi kezde polısııadaǵy qyzmetkerlerdiń kóbisi óte tájirıbeli ári kásibı mamandar ekenin tilge tıek etti.
«Olardyń kóbisi kezinde zeınetke shyqqysy kelmedi. Biraq zańdy túrde 45-ten 55 jasqa deıin qyzmetten ketýge májbúr boldy. Olardyń birazy qazir kúzet sekildi jeke fırmalarda jumys isteıdi. Qazirgi ýaqytta tıisti jumys tobyn quryp, osy máseleni kóterip jatyrmyz», dedi E.Turǵymbaev.
Osyǵan baılanysty mınıstr qyzmetkerlerdiń zeınet jasyna shyǵý máselesi pysyqtalyp jatqanyn aıtty.
«Halyqaralyq tájirıbe súıensek, basqa elderde bul júıe ózgesheleý. Biz osyny zerdelep, soǵan jaqyndatyp jatyrmyz», dedi mınıstr.
Mysaly, maıorlarǵa 52 jastan (4 jyl qosyp) zeınetke shyǵý, al podpolkovnıkterge – 55 jastan, polkovnıkterge 58 jastan jáne joǵary basqarý quramyna 63 jastan bastap eskerilip otyr.
