Elorda • 13 Naýryz, 2021

Elordada on jyldan beri qurylysy aıaqtalmaǵan nysandar qashan qoldanysqa beriledi?

85 ret kórsetildi

Nur-Sultan qalasynyń ákimi Altaı Kólginov Instagram paraqshasynda qurylysy uzaqqa sozylǵan turǵyn úı keshenderinde júrip jatqan jumys jaıly bólisti, dep habarlaıdy Egemen.kz

«Júıeli sheshilip jatqan ózekti máselelerdiń biri – qaladaǵy qurylysy uzaqqa sozylǵan nysandardy aıaqtaý. Búgin birqatar qurylystyń jaıymen tanystym. «Jeti jol», «Zere - 1», «Aqerke - 2» turǵyn úı keshenderine bardym. Olardyń bárinde qurylys jyldar boıy toqyrap turdy. Byltyr bastalǵan pandemııaǵa qaramastan, qurylys toqtap qalmaýy úshin qoldan kelgenniń bárin jasadyq.

Mysaly, qurylysy uzaqqa sozylǵan «Zere - 1» turǵyn úı kesheniniń jeti jyldyq tarıhy bar. Úleskerleriniń sany – 200-ge jýyq. Birinshi kezekte úıge de, ınjenerlik jelilerge de barlyq jobalaý-smetalyq qujattamany daıyndadyq. Munda úıdiń qańqasy ǵana boldy. Turǵyn úı kesheniniń qasbeti boıynsha jumystar júrgizildi, terezeler, esikter, lıftiler ornatyldy. Sonymen qatar, ishki jáne syrtqy árleý jumystary júrgizildi. Turǵyn úı kesheni ınjenerlik jelilerge: sýǵa, elektr energııasyna, jylýǵa jáne kárizge qosylǵan.

1

«Aqerke-2» turǵyn úı kesheniniń jaǵdaıy «Zere-1-ge» uqsas. 150-den astam otbasy jeti jyldan astam óz páterlerin kútip júr. Turǵyn úı kesheninde úıdiń qańqasy aıaqtalyp, terezeler, esikter, lıftiler ornatyldy. Jobalyq-smetalyq qujattamany daıyndap, qasbeti boıynsha jumystar júrgizdik. Úlken máseleniń biri garajdardy buzý boldy. Garajdardy satyp alý jumystaryn júrgizdik, bul ınjenerlik jelilerdi úıge jetkizýge múmkindik beredi.

Al «Jeti jol» turǵyn úı keshenindegi úlesker sany - 600-ge jýyq. Úıdiń onjyldyq tarıhy bar. Úıge jáne ınjenerlik jelilerge jobalaý-smetalyq qujattamany túzetý boıynsha jumystar júrgizildi. Terezelerdi ornatý, ınjenerlik jelilerge qosý jáne t. b. boıynsha jumystar jalǵasyp jatyr.

Qurylys qarqynyn báseńdetpeýdi, úılerdiń sapasyna erekshe nazar aýdarýdy, qurylys jumystary aıaqtalǵannan keıin aýmaqtardy abattandyrýǵa kirisýdi tapsyrdym. Atalǵan úsh úı osy jyly paıdalanýǵa beriledi.

Bir jarym jyl ishinde (2019 jyldyń jazynan bastap) qurylysy uzaqqa sozylǵan nysandardyń sany eki eseden astam azaıdy. Úlestik qurylys nysandaryndaǵy kórinis ártúrli: bir jerde tek shuńqyr bolsa, bir jerde salynǵan bloktardy tolyǵymen buzý qajet. О́ıtkeni, olar turýǵa arnalmaǵan ári qaýipti. Degenmen, árbir uzaq qurylys boıynsha qadamdyq is-sharalar jospary bar. Bıyl páter kiltin taǵy 7 myń úleskerge berýdi josparlap otyrmyz», dep jazdy elorda ákimi.

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar