– Is-shara barysynda Pavlodar polıseıleri zańsyz aınalymnan 9 birlik qarý men 30 patrondy tárkiledi, – dedi Pavlodar oblysy Polısııa departamenti Ákimshilik polısııa basqarmasy bastyǵynyń orynbasary Arystan Dúısembaev.
Polısııa qyzmetkerleri jedel-aldyn alý is-sharasyn ótkizý kezinde 2674 qarý ıesin turǵylyqty jeri boıynsha tekserdi. Qarýdy saqtaý erejelerin buzýdyń 130 deregi anyqtaldy, bul ákimshilik is aıasynda aıyppul salýǵa sebep boldy.
– Máselen, Maı aýdanynyń polısııa qyzmetkerleri aýyldardyń birinde 47 jastaǵy aýyl turǵynynan elektroshoker, al Aqsý qalasynda 62 jastaǵy er adamnyń garajynan eki birlik qarý tárkiledi. Tereńkól aýdanynyń turǵynynan tıisti qujattarsyz “IJ” markaly bir uńǵyly myltyq alyndy. Barlyq qarýlarǵa ballıstıkalyq jáne elektrotehnıkalyq zertteýler taǵaıyndaldy, – dep habarlady Arystan Dúısembaev.
Sondaı-aq tirkelgen qarý ıelerin tekserý nátıjesinde azamattyq qarý men oq-dárilerdi saqtaý erejelerin buzý derekteri anyqtaldy. Baıanaýyl aýdanynda azamattyq qarý ıesi basqa qarýdyń patrondaryn zańsyz saqtaǵan. Oǵan qatysty QR ÁQBtK-niń 482-baby (Jeke jáne zańdy tulǵalardyń qarýdy zańsyz ıelenip alýy, berýi, ótkizýi, saqtaýy, alyp júrýi, tasymaldaýy) boıynsha ákimshilik hattama toltyryldy.
