Indettiń taralý aýmaǵy jurt jıi shoǵyrlanǵan qalalar men aýdandarda baıqalyp otyr. Máselen, Taldyqorǵan qalasynda 26 jaǵdaı tirkelse, Talǵar aýdanynda – 24, Jambyl aýdanynda – 8, Kóksý aýdanynda – 7, Ile jáne Qarasaı aýdandarynda 5 turǵynnan aýrý belgisi tabylǵan. Al Eńbekshiqazaq, Eskeldi, Uıǵyr jáne Panfılov aýdandarynda 3 naýqas, Kerbulaq aýdanynda 2 naýqas jáne Raıymbek pen Sarqan aýdandarynda da naýqastar dárige kómegine júginýge májbúr bolǵan.
Jalpy, oblys aýrýhanalarynda 715 adam koronavırýstan em qabyldap jatsa, onyń inshdegi 25 naýqastyń jaǵdaıy aýyr eken. Al dárigerler ótken týálikte ǵana 26 naýqastyń dertine shıpa taýyp, indetten aman saqtap, aıyqtarypty.
- Oblystyń medısınalyq uıymdary qajetti jabdyqtarmen jáne dárilik preparattarmen qamtamasyz etilgen. Infeksııalyq stasıonardaǵy tósekter sany 412 orynǵa deıin kóbeıtilip, qazir olardyń jalpy sany 1 550 birlikke jetkizildi. Indettiń taralýyna jol bermeý men erte anyqtaý maqsatynda da jumys júrip jatyr. Jyl basynan beri óńirde jumys istep turǵan 11 PTR-zerthanasynda 137 myń adam test ótkizip, tekserildi. Al 391 mobıldi brıgada koronavırýske shaldyǵý kúdigi joǵary naýqastardyń úıine baryp, jalpy shaqyrý boıynsha 50,7 myńnan astam medısınalyq qyzmet kórsetti, - deıdi oblystyq deńsaýlyq saqtaý basqarmasynyń basshysy О́mirzaq Nııazbekov.
Aıtpaqshy, aımaqta jappaı vaksınasııalaýdyń ekinshi kezeńi qarqyndy júrip jatyr. Osy maqsatta reseılik «Spýtnık V» ekpesiniń 11 350 dozasy jetkizilgen. Búginde koronavırýs ınfeksııasyna qarsy vaksına salý óńirdegi 30 egý pýnktinde júrgizilýde. Qazirge deıin 6883 adamǵa ekpe jasalǵan eken.
Almaty oblysy
