Hakim Abaıdyń urpaqtaryna qatysty qundy jádiger tabyldy

Ǵalymdardyń aıtýynsha, 1990 jyldary Máken Turaǵulqyzy almaǵaıyp zamanda sheıit ketken ákesiniń aty óshpesin  hám tarıhta máńgi qalsyn degen nıetpen «Memorıaldy taqta» jasatqan. Bir ereksheligi – ol memorıaldy taqtada tek Turaǵuldyń ǵana emes, Abaıdyń ózge de urpaqtarynyń qaı jyly, qaı jerde jerlengendigi týraly aqparat berilgen.

Sondaı-aq, atalǵan tastuǵyrǵa Hakim Abaıdyń:

«Jas qartaımaq, joq týmaq, týǵan ólmek,

Taǵdyr joq ótken ómir qaıta kelmek.

Basqan iz, kórgen qyzyq artta qalmaq,

Bir qudaıdan basqanyń bári ózgermek», degen bir shýmaq degen bir shýmaq óleńimen qosa: «Abaı Qunanbaevtyń Shymkent qalasynda jerlengen úrim-butaǵy» delinip, 4 adamnyń esimi men qaı jyly, qaı jerde jerlengenderi kórsetilgen. Olar:

«Turaǵul Abaıuly – Áıgerimnen týǵan. 1934 j. HFZ aımaǵy;

Kelinderi: Dámejan – Mıkaıldiń áıeli. 1960 j. Shuqyrsaı,

Kamalııa – Áýbákirdiń áıeli. 1962 j. Qasqa zıraty;

Nemeresi: Áýbákir – Aqylbaıdyń uly. 1933 j. Kóksaı

Týragýl Abaıýly – syn Aıgerım. 1934 g. R-N HFZ.

Jeny synoveı: Damejan – jena Mıkaıla. 1960 g. Shýkyrsaı.

Kamalııa – jena Aýbakıra. 1962g. K-she Kaska.

Vnýk: Aýbakır – syn Akylbaıa. 1933 g. Koksaı». Tastuǵyrdaǵy bul mátinder qazaq-orys tilderinde berilgen.

Bul jádiger sol jyldardan beri «Hımfarm» aksıonerlik qoǵamynyń arnaıy bóliminde saqtalǵan. Al Táýelsizdiktiń 30 jyldyq mereıli merekesine oraı kompanııa basshylyǵy qundy dúnıeni «Muhtartaný» ǵylymı ortalyǵyna tabys etýdi jón dep tapqan.

Ǵalymdardyń sózine súıensek, bul tastuǵyr osy kúnge deıin aıtylyp júrgen: «Týraǵuldyń súıegi Shymkenttegi Qorǵasyn zaýytynyń astynda qalyp qoıdy», - degen pikirdi túbegeıli teriske shyǵarady. О́ıtkeni atalmysh zaýyt 1882 jyldary salynǵan, al Turaǵul  Ibrahımuly 1934 jyly qaıtys bolǵany belgili.

Aıta keterligi, tabylǵan jádiger  Muhtar Áýezov atyndaǵy Ońtústik Qazaqstan ýnıversıtetiniń «Muhtartaný» ǵylymı ortalyǵynyń murajaıyna qoıyldy. Ortalyq qyzmetkerleri qundy dúnıege baılanysty zertteý jumystaryn júrgizip jatyr.

Shymkent