Oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmeti basshysynyń orynbasary Samat Qumashevtiń aıtýynsha, Jaıyq ózeniniń saǵasynda muz qalmapty. Buǵan aýa-raıynyń jylynýy men jańbyrdyń jaýýy sebep bolyp otyr.
Osyǵan oraı Atyraý qalalyq ákimdigi adamdardyń qaýipsizdigi úshin Jaıyq ózeniniń muzyn buzýǵa kirisý týraly sheshim qabyldady. Keshe, 17 naýryzda Damba aýylynyń tusynan muzdy jarý jumysyna balyq aýlaý kooperatıviniń kateri tartyldy.
«Búgin, 18 naýryzda ózenniń Jumysker aýylynyń tusyna deıingi muzy jaryldy. Jaıyqtyń keı tusynda muzdyń qalyńdyǵy 10-12 sm-di quraıdy. Bul katerdiń qozǵalysyna azdaǵan qıyndyq týdyrady. Soǵan qaramastan ózenniń muzy Geolog eldi mekeniniń tusyna deıin jarylady», dedi Samat Qumashev.
