Jol aktıvterin basqarý júıesi – jiti júrgizilgen aspapty zertteýdiń derekteriniń negizinde jóndeýge qajetti ınvestısııa kólemderin boljaıtyn arnaıy jetildirilgen aqparattyq júıe.
Atalǵan júıeni engizýdiń arqasynda aqaýlardy erte kezeńde joıyp, kúrdeli shyǵyndardy tómendetip, joldardyń ómirlik sıklynyń shyǵyndaryn qysqartýǵa múmkindik týady. Sondaı-aq jol jelisiniń jaǵdaıyn baǵa berýdiń sandyq ındıkatorlarynan sapaly kórsetkishterge ótý arqyly «Nátıjege baǵyttalǵan bıýdjet» konsepsııasyn iske asyrýǵa jaǵdaı jasalady.
Búginde JABJ aqparattyq qaýipsizdik talaptaryna sáıkes kelý boıynsha synaqtan ótkizilýde. Budan soń ónerkásiptik paıdalanýǵa engizý josparlanǵan.
Aıta ketý kerek, JABJ mańyzdy komponentteriniń biri – kóshpeli zerthanalarmen jol jaǵdaıyn aspaptyq zertteý. Bıyl aspapty dıagnostıkalaýdy respýblıkalyq mańyzy bar joldar jelisiniń 19 myń shaqyrymyna júrgizý kózdelgen. Zertteý quny 1,5 mlrd teńge. Bolashaqta dıagnostıka boıynsha jumystarmen elimizdiń jergilikti mańyzy bar joldaryn qamtý josparlanyp otyr.
