Qazaqstan • 20 Naýryz, 2021

Asqar Mamın qazaqstandyqtardy Naýryz meıramymen quttyqtady

12 ret kórsetildi

QR Premer-Mınıstri Asqar Mamın qazaqstandyqtardy Naýryz meıramymen quttyqtady.

Qymbatty qazaqstandyqtar!

Sizderdi Naýryz meıramymen shyn júrekten quttyqtaımyn! Bul kóktemgi merekeni halqymyz jańa jyldyń basy jáne tirshilik ataýlynyń túrlenetin kezi retinde qasterleıdi.

Naýryz adamdardyń boıynda eń jarqyn jáne izgi tilekteriniń oryndalýyna úmit uıalatyp, kemel keleshekke bastaıdy.

Urpaqtan urpaqqa jalǵasyp kele jatqan Naýryzdyń ejelgi dástúrleri adamǵa eń jaqsy sezimderdi syılap, aınalasyndaǵylarǵa meıirimdilikpen kóńil bólýge, qonaqjaılylyq tanytýǵa, ózara kómek kórsetýge, tabıǵatpen úılesim taýyp ómir súrýge jeteleıdi. Kóktemniń kelýimen adamdar bir-birine eń izgi tilekterin arnap, aǵash otyrǵyzady, bulaqtardyń kózin arshyp, qamqorlyq pen qoldaýdy qajet etetin tirshilik ıelerine kómektesedi.

Táýelsizdik alǵannan beri Naýryz meıramyn toılaý beıbitshilikti nyǵaıtýda jáne elimizdiń kópultty halqynyń birligin qamtamasyz etýde erekshe mańyzǵa ıe boldy. Ol ultyna, tili men dinine qaramastan, qazaqstandyqtardyń eń súıikti merekeleriniń birine aınaldy.

Barlyq qazaqstandyqtarǵa jaqsylyq, amandyq-saýlyq pen ósip-órkendeý tileımin, ár otbasynda qýanyshty jáne jarqyn kúnder kóp bolsyn!

Áz Naýryz halqymyzǵa berekeli yrysyn, shýaq nuryn ala kelsin!

Ulystyń uly kúni qutty bolsyn!

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar