Jumys sapary barysynda Jedel medısınalyq járdem stansasynyń qyzmetine, Telemedısına ortalyǵyna, sondaı-aq qalalyq densaýlyq saqtaý júıesiniń shtabyna bardy. Medısınalyq mekemelerdiń qyzmetkerlerimen aǵymdaǵy jumys, sondaı-aq Almaty qalasyndaǵy epıdemııalyq ahýal odan ári ýshyqqan jaǵdaıda jumysty kúsheıtýge daıyndyq máseleleri talqylandy.
Telemedısına ortalyǵynda ákimniń orynbasary COVID-19 yqtımal jáne rastalǵan jaǵdaılary bar pasıentterge keńes berý jáne monıtorıng júrgizý jumystarymen tanysty. Operatorlar pasıenttiń jaǵdaıyn baǵalaıdy, emdeýdi taǵaıyndaıdy jáne naýqastyń elektrondyq kartasyna ózgerister engizedi. Ortalyq ótken jyldyń qyrkúıek aıynan bastap jumys isteıdi.
«Búgingi tańda ortalyq úı karantınindegi aýrý belgileri joq jáne aýrýy jeńil naýqastarǵa 2500-ge jýyq naýqasqa qyzmet kórsetedi. Osy maqsatta munda 54 dáriger jumys isteıdi. Ortalyq dárigerleri pasıenttermen táýlik boıy baılanysta. Mamandar tańerteń jumystary úı stasıonaryndaǵy pasıentterge qońyraý shalýdan bastalady. Jaǵdaıy nasharlaǵan jaǵdaıda naýqastarǵa jedel járdem shaqyrylyp, aýrýhanaǵa jatqyzylady», dedi Telemedısına ortalyǵynyń basshysy Laýra Myrzaǵalı. Sonymen qatar, qalada 200-den astam mobıldi toptar jumys isteıdi, olar pasıentterdiń jaǵdaıyn jáne úıde emdelýin qadaǵalaıdy.
Sondaı-aq Erjan Babaqumarov №6 jedel járdem qosalqy stansııasynyń jumysymen tanysty.
Koronavırýstyq ınfeksııa pandemııasy kezeńindegi jumys tájirıbesin eskere otyryp, qalada jedel medısınalyq kómek qyzmetiniń materıaldyq-tehnıkalyq bazasy turaqty jaqsarýda. Buǵan deıin qala ákimdigi jedel medısınalyq járdem qyzmetiniń avtoparkine 50 jańa Hyundai – N 350 BUS Ambulance avtokóligin bergen bolatyn. Jańa mashınalar sol jerde medısınalyq kómek kórsetýge jáne ýaqtyly emdeýge jatqyzýǵa qajetti zamanaýı, portatıvti jabdyqtarmen, onyń ishinde reanımasııalyq, defıbrıllıatorlarmen, elektrokardıograftarmen, О́JJ apparattarymen jáne basqa da qajetti jabdyqtarmen jabdyqtalǵan. Jalpy, ótken jyly Jedel járdem qyzmetiniń avtoparki shamamen 70%-ǵa jańartyldy.
«Pandemııamen kúreste jedel járdem úlken ról atqarady. Sizder naýqastarǵa barasyz jáne barlyq qaýipsizdik sharalaryn saqtaı otyryp, birinshi kezekte ózińizdi qorǵaýlaryńyz kerek. Qala barlyq qajetti zattarmen materıaldyq qamtamasyz etildi», dep atap ótti Erjan Babaqumarov jáne Almaty qalasynyń ákimi Baqytjan Saǵyntaevtyń atynan jedel járdem qyzmetkerlerine aýyr eńbekteri úshin alǵys aıtty.
Jedel járdem mashınalarynyń epıdemııaǵa qarsy jáne dezınfeksııalyq rejımderin qatań saqtaý qajettiligine basshylyqtyń erekshe nazary aýdaryldy.
Sonymen qatar, Erjan Babaqumarov Qoǵamdyq densaýlyq basqarmasynyń shtab-páterinde bolyp, ol jerde bekitilgen medısına qyzmetkerlerimen áńgimelesti.
Jumys saparynyń qorytyndysy boıynsha qalanyń Qoǵamdyq damý basqarmasyna birqatar naqty tapsyrma berildi.
