Bilim • 24 Naýryz, 2021

Aqtóbedegi ǵasyrmen qurdas mektepterdiń jaı-kúıi talqylandy

107 ret kórsetildi

Aqtóbe qalasyndaǵy úsh aýysymdy mektepter máselesi ózektiligin joıǵan joq. Sonyń ishinde áli  kúnge deıin úzdiksiz bilim berip kele jatqan keńes ókimetiniń alǵashqy jyldary salynǵan bilim berý mekemeleri ǵımarattaryna kúrdeli saraptama jasaý qajet bolyp otyr. Úsh aýysymdy mektepter máselesiniń túbirimen sheshilmeýine qala  turǵyndary sanynyń jyl saıyn kóbeıip jatqandyǵy da áser etip keledi. Oblystyq bilim basqarmasynyń basshysy Joldas Batyrhan aldaǵy oqý jylynda mektepter júktemesin azaıtý taqyrybynda qaladaǵy barlyq orta mektep dırektorlarymen jıyn ótkizdi, dep habarlaıdy Egemen.kz.

Jıynda aldaǵy ýaqytta úsh aýysymdyq oqýdy boldyrmaý úshin mektep ǵımarattarynyń janynan qosymsha qurylys salý jumystary pysyqtaldy. Bıyl atalǵan mektepterge japsarlas qurylystar salý úshin  jobalaý-smetalyq qujattar ázirleýge oblystyq bıýdjetten qarjy bólindi. Qala mektepteriniń dırektorlary 1975-80 jyldary eski tıptik úlgide salynǵan  mektepter aýmaǵyndaǵy  bos oryndarǵa jańa sportzaldar men sheberhanalar salǵan jaǵdaıda negizgi ǵımaratta pándik oqý kabınetterine oryn bosaıtyndyǵyn atap ótti.

Joldas Batyrhan eń birinshi kezekte kúrdeli jóndeýdi qajet etetin   qaladaǵy №2 jáne №51  mektep-gımnazııalary men №8, №12, №14, №22 orta mektep ǵımarattarynyń qazirgi jaı-kúılerinen tolyq aqparat ala otyryp, óte eski, apatty mektepter máselesin sheshýge basymdyq beriletindigin habarlady. Búginde №14 jáne №22 orta mektep ǵımarattarynyń jaı-kúıine ata-analar tarapynan alańdaýshylyq kóp. Bular keńes ókimetiniń alǵashqy jyldary salynǵan bilim ordalary. Máselen, 1936 jyly 320 balanyń bilim alýyna arnap salynǵan №14 orta mektepte qazir 1274 oqýshy oqıdy. Ár jyldary oqý korpýsyna jóndeý jumystary júrgizilip kele jatqanyna qaramastan, «eskiniń aty eski» deıdi osy mekteptiń dırektory. 2018 jyly osy oqý ornynyń shatyry jańartylyp, 2020 jyly kúrdeli jóndeýden ótse de, ǵımarattyń tarlyǵy jyldan jylǵa oqýshylar men muǵalimderge yńǵaısyzdyq týdyryp keledi.

Búginde 1025 oqýshy bilim alyp jatqan №22 orta mektep 1923 jyly salynǵan. Birneshe jyl buryn  mundaǵy negizgi oqý korpýsynyń qasyna ekinshi qurylys  salyndy. 2007 jyly osy mekteptiń jylý júıesi, 2012 jyly shatyry men terezeleri aýystyryldy. Alaıda   qazirgi kezde mundaǵy pándik kabınetterdiń tarlyǵy men jetispeýshiligi báribir ózektiligin joıǵan joq.

Jıyn sońynda osy oqý jyly aıaqtalǵan boıy  qaladaǵy №12, №14, №22, №47 orta mektepterine qosymsha ǵımarattar salý jumystary bastalatyndyǵy belgili boldy.

   

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar