Qoǵam • 25 Naýryz, 2021

«100 jańa esim» jobasynyń qatysýshylaryna daýys berý bastaldy

80 ret kórsetildi

Búginnen bastap «100 jańa esim» jobasynyń IV maýsymy qatysýshylaryna jalpyhalyqtyq daýys berý bastaldy, dep habarlaıdy Egemen.kz Aqparat jáne qoǵamdyq damý mınıstrliginiń baspasóz qyzmetine silteme jasap.

Qatysýshylardyń ótinimderin qabyldaý 22 aqpan men 22 naýryz aralyǵynda júzege asty. Osy ýaqyt aralyǵynda Qazaqstannyń barlyq óńirlerinen 7 nomınasııa boıynsha 2 790 ótinim kelip tústi. Saýalnamalar mádenıet jáne sport, bilim jáne qoǵam nomınasııalary boıynsha kóptep keldi. Sondaı – aq bıyl jańa «Ekologııa» nomınasııasy qatarǵa qosyldy.

Qazaqstandyqtar 2021 jylǵy 25 men 31 naýryz aralyǵynda óz kandıdattaryna daýys bere alady.

Daýys berýshi 100janaesim.ruh.kz saıtyndaǵy qatysýshynyń paraqshasyna ótip, fotosýrettiń astyndaǵy «daýys berý» túımesin basý qajet. Daýys berýdi tańdaýmen tereze ashylady, muny eki jolmen jasaýǵa bolady: áleýmettik jeliler nemese elektrondyq poshta arqyly.

Elektrondyq poshtany tańdaǵanda, poshtaǵa daýys berý paraǵyna engizý kerek kod keledi. Áleýmettik jeliler arqyly daýys berýdi tańdaǵan kezde avtorızasııadan ótip, sodan keıin daýys berý kerek.

Bir IP-mekenjaıdan ár nomınasııadaǵy bir adamǵa ǵana daýys berýge bolady. Qatysýshynyń daýystary joǵarǵy oń jaqtaǵy saýalnamada kórsetiledi. Quqyq buzýshylyqtar ne ózge de burmalaýshylyqtar, onyń ishinde onlaın-daýys berý kezinde daýystardy burmalaý anyqtalǵan jaǵdaıda, uıymdastyrýshylar qatysýshyny jobadan shyǵarý quqyǵyn ózine qaldyrady.

Daýys berý kezinde eń kóp ball jınaǵan jáne bedeldi qazylar alqasy iriktegen qatysýshylar jobanyń jeńimpazdary bolyp atanady. Bıylǵy jyly qazylar alqasynyń músheleri arasynda ótken jyldardaǵy jobanyń jeńimpazdary da bar.

«Qazaqstannyń 100 jańa esimi» jobasy – Táýelsizdik jyldarynda tabysqa qol jetkizgen ár túrli óńirlerden, ár túrli jastaǵy jáne ár etnos ókilderinen shyqqan naqty adamdardyń tarıhy. 2017 jyly bul jobanyń bastamashysy Elbasy N.Nazarbaev boldy.

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar