Qoǵam • 25 Naýryz, 2021

Qandastarǵa nelikten jer jalǵa berilmeıtini belgili boldy

213 ret kórsetildi

Jer reformasy jónindegi komıssııanyń I otyrysynda «Qazaq ádebıeti» gazetiniń bas redaktory Dáýren Qýat qandastarǵa jer nege jalǵa berilmeıtinine jáne satylmaıtynyna qatysty pikir bildirdi, dep habarlaıdy Egemen.kz

«Qandastarǵa jerdiń jalǵa berilmeýi, satylmaýy týraly mınıstr myrza túsinikteme bere ketýi kerek edi. Bul ashyna aıtatyndaı áńgime emes. Sebebi, qandas degenimiz – ýaqytsha statýs. Bir jyldyń ishinde shetelden kelgen etnıkalyq qazaqtarǵa, ózimizdiń baýyrlarymyzǵa azamattyq beremiz, bir jyldan keıin azamattyq alǵan qandastar Qazaqstan azamatyna tıesili barlyq múmkindikterge ıe bolady. Muny men ádeıi qadap aıtqym keledi, nege deseńiz, osy jer komıssııasynyń otyrysynan keıin «Qandastarǵa jer berilmeıdi eken, qandastardy keýdesinen ıterip otyr» degen sóz shyǵyp, áleýmettik jelide túrli pikirler bolýy yqtımal. Sondyqtan, máseleniń basyn ashyp alǵan durys dep oılaımyn», dedi D.Qýat.

Bul rette spıker etnıkalyq qazaqtarǵa azamattyq berý joldaryn jeńildetý kerektigin aıtty.

«Ekinshi másele, jer máselesimen kópten shuǵyldanyp júrgen azamattar jınalysta otyr. Deı turǵanymen, biz aýyl sharýashylyǵy mamandarynyń máselelerine tereńdep bara almaımyz. Jerdi paıdalanýdyń barlyq tetikterin sheshý úshin fermerlermen, aýyl sharýashylyǵy salasynda jumys istep júrgen adamdarmen ymyraǵa kelýimiz kerek dep oılaımyn. Olardy kóbirek tyńdaýymyz kerek. Aldaǵy otyrystarymyzda onlaın baılanystar jasaý kerek shyǵar. Biraq, ol ákimdik tarapynan bolmaýy kerek. Ákimdik adamdarynyń bireýdi daıyndap, osylaı sóıle, bizde bári jaqsy dep aıtqany kerek emes. Bizge kúndelikti máseleni kórip júrgen fermerlerdiń, dıqandardyń nemese malshylardyń sóılegeni kerek, olar máseleni sheshý joldaryn usyna alady», deıdi bas redaktor.

Úshinshi másele retinde spıker jalǵa beriletin aýyl sharýashylyǵy jerlerindegi tarıhı eskertkishterdi erekshe qorǵaýǵa alýdy usyndy.

«Mysaly, Qapal-Arasanda Baıanjúrek jazbalary bar, Tańbaly tas bar, Mańǵystaýda sandyqtastar jatyr, Altaıda, Arqada qanshama eskertkishke toly jerler bar. Osy eskertkishter jalǵa alatyn jerge kiretin bolsa, jalǵa alýshylar oǵan tarıhı eskertkish, qoryq dep qaramaıdy, mal sharýashylyǵynyń yńǵaıyna paıdalana beredi. Sondyqtan, memleket bolashaqta jalǵa beriletin jerler ishinde tarıhı eskretkishter men erekshe máni bar jerler bolsa, qorǵaýǵa alýy kerek», dedi Dáýren Qýat.

Sońǵy jańalyqtar

Instagram balalar qaýipsizdigin kúsheıtedi

Mýltımedıa • Búgin, 17:32

Bapker: Konor jekpe-jekti saǵynyp júr

Jekpe-jek • Búgin, 15:53

Aqyly joldarda qandaı jeńildikter bar?

Aımaqtar • Búgin, 15:22

Jańa salmaq jańa múmkindik pe?

Boks • Búgin, 12:07

Uqsas jańalyqtar