24 naýryzda «Qandyaǵash-Embi-Shalqar» avtojolynda jol-kólik oqıǵasy oryn alyp, adamdar qaza boldy.
40 jastaǵy «Lada-Prıora» avtokóliginiń júrgizýshisi Embi qalasy jaǵynan Qandyaǵash qalasy baǵytynda «Qandyaǵash-Embi-Shalqar» avtojolymen 61 shaqyrym qashyqtyǵynda Izimbet kentiniń mańynda basyp oza otyryp, shyǵatyn qozǵalys jolaǵy basyp ozý úshin jetkilikti qaýipsiz jáne osy jolmen qarsy kele jatqan kólik quraldaryna kedergi keltirmeıtinine kóz jetkizbeı, basqa «Lada-Prıora» avtokóligimen soqtyǵysýyna jol bergen.
Jol-kólik oqıǵasy saldarynan júrgizýshi men 32 jastaǵy áıel, 14 jastaǵy bala oqıǵa ornynda kóz jumdy, al 3 jasar qyz Embi qalasynyń ortalyq aýrýhanasyna jatqyzyldy. Sonymen qatar, basqa kóliktiń júrgizýshisi men alty jolaýshysy Embi qalasynyń ortalyq aýdandyq aýrýhanasyna jatqyzyldy, onda 51 jastaǵy jolaýshy esin jımastan qaıtys boldy. JKO faktisi boıynsha QR QK 345-baby 4-bóligi boıynsha sotqa deıingi tergeý júrgizilýde.
