Arystan Birnazarov áýelde oń kózin qatty jaraqattap alǵan. Sol kezde kózdiń qabyǵy zaqymdanǵan. Jigit tórt operasııa jasady, onyń ekeýi portal boıynsha Almaty ǴZI-da ótken. Zaqymdalǵan organǵa sılıkon salynǵan. 5 aıdan keıin ony alyp tastaý kerek edi. Jigittiń aıtýynsha, Aqtóbedegi emdeýshi dárigerler der kezinde ótinim jibermegen. Arystan bir jarym jyldan keıin, QazǴZI-ǵa kelgende, tym kesh qalǵanyn bilgen.
- Maǵan Almatylyq dárigerler: «Mine, qarashy, portal bar, al onda ótinimder joq. Seniń atyńnan eshqandaı ótinish bermegen» dedi. Men qazir ne isterimdi bilmeımin. Menińshe, bári bitken sekildi. Olar kózimniń qabynatyn sılıkonǵa táýeldi ekenin aıtty. Iаǵnı ýaqyt óte kele, kózdi kesýge týra keletin sát erte me, kesh pe báribir keledi, - deıdi Aqtóbe qalasynyń turǵyny Arystan Birnazarov.
Qazir Arystannyń bir kózi ǵana kóredi. Jas jigit úshinshi toptaǵy múgedek retinde tirkelgen. Ýaqytyly oryndalýy kerek bolǵan operasııa, kórý qabiletin qalpyna keltirýdiń azǵantaı múmkindikteriniń biri edi. Biraq jigittiń dárigeri operasııaǵa 2020 jyldyń qańtarynda ótinish bergenin málimdedi. Tek Almaty ınstıtýty naýqasty karantınge baılanysty qabyldaýdan bas tartqan.
- Múmkin, karantınge baılanysty 7-8 aıǵa keshiktirilgen shyǵar. Aıtalyq, biz qańtardyń basynda tamyzǵa deıin, odan soń qarashaǵa deıin karantın jarııaladyq, operasııalar tolyǵymen bolmady, - deıdi Aqtóbe qalasy №1 emhanasynyń oftalmolog-dárigeri Venera Orazalına.
Mundaǵylar emhanada basqa qaladaǵy naýqastardy emdeýge barlyq ótinimderdi oblystyq densaýlyq saqtaý basqarmasy beretinin aıtady. Alaıda oblystyq densaýlyq saqtaý basqarmasy muny joqqa shyǵaryp otyr. Aıtýlarynsha, vedomstvonyń mindeti - emhanadan málimet alý, sodan keıin ǵana pasıentti portalǵa qoıý.
Belgili bolǵandaı, byltyrǵy aqpan aıynda emhana Arystanǵa ota jasaýǵa sońǵy ótinimdi jibergen. Iаǵnı, bir jylǵa keshiken.
О́tinimdi emhana da tikeleı qoıa alady, óıtkeni bul qyzmet mamandandyrylǵan medısınalyq kómekke jatady. Sondyqtan olar da ony jibere alady, emhana arqyly da portalǵa qoıýǵa bolady, - deıdi Aqtóbe oblysy densaýlyq saqtaý basqarmasynyń bas mamany Álııa Sharbaqova.
Sarsańǵa túsken Arystan ádildikke qol jetkizgisi keledi. Jigit medısınalyq qyzmet sapasyn baqylaý komıtetine habarlasyp, sotqa talap aryz berýge nıetti. Qazirgi sátte onyń otbasy kúrdeli naýqasty qabyldaıtyn jáne jas adamnyń kózin saqtaı alatyn sheteldik klınıkalardy izdestirip jatyr.
