Facebook jelisiniń paıdalanýshysy paraqshasynda dárigerdiń ólimine koronavırýstyq ınfeksııaǵa qarsy ekpe sebep bolǵan dep jazady. Alaıda Densaýlyq saqtaý mınıstrliginiń ókili jeli qoldanýshysynyń jazbasy shyndyqqa janaspaıtynyn aıtty. Olardyń málimdemesinde Qosózen aýylynyń dárigeri indetke qarsy egilmegen.
– Aǵymdaǵy jyldyń besinshi naýryzynda Almaty oblysy Ile aýdany Qosózen aýylynda 1965 jyly týǵan akýsher aýyryp qaldy. Naýqas 9 naýryzda jedel járdem brıgadasymen fıltrge jetkizilip, «Kody U07.2 sol jaq ókpelik pnevmonııa, satýrasııa 89%» dıagnozymen OAA ınfeksııalyq bólimshesine jatqyzyldy. 23 naýryzda ol qaıtys boldy. О́limnen keıingi dıagnoz: «Júrek-qan tamyr júıesiniń jetispeýshiligi», qaıtalama dıagnoz: «Kody U07.2 anyqtalmaǵan pnevmonııa». Marqumǵa KVI qarsy ekpe salynbaǵan, – dep málimdedi vedomstvo ókili.
Joǵarydaǵy málimdemeni dáriger jumys istegen Ile ortalyq aýrýhana basshylyǵy da rastap otyr. Ortalyq aýrýhanyń basshylyǵy marqumnyń medısınalyq qarsy kórsetilimderi bolǵandyqtan, oǵan COVID-19-ǵa qarsy ekpe salynbaǵanyn alǵa tartady.
Aıta keteıik, Facebook-tegi posttyń avtory keıinnen óziniń qateligin moıyndap, «medısına qyzmetkeri pnevmonııadan qaıtys boldy, biraq vaksına almaǵan» dep jazdy.
